|
Word 2010 programmasında islewdi baslaw
Microsoft Word - Windows ortalıǵında islew ushın mólsherlengen Microsoft Office quramına kiretuǵın programmalardan biri bolıp, onı tekst redaktorı dep ataydı. Ol hár qıylı xatlar, hújjetler hám esabatlar tayarlawda qolay qural bolıp tabıladı. Sonıń menen birge onıń járdeminde blanklar hám anketalar, maqalalar hám de qollanbalar da tayarlaw múmkin.
Wordta hújjetlerdi jaratıwda, onıń quramına kiritilgen, kóplegen shablonlar sisteması hám formatlaw usıllarınan paydalanıladı. Word WYSIWYG (neni kórseń sonı alasan, yaǵnıy ekranda qanday kórinse, baspadan shıǵarılǵanda qaǵazda da sonday kórinedi) túrindegi redaktorlar gruppasına kiredi.
Microsoft Word 2010 programmasın jumısqa túsiriwdiń bir neshe usılları bar:
1. Пуск → Все программы → Microsoft Office 2010 → Word 2010 ni tańlaw arqalı;
2. Eger jumısshı stolda Microsoft Office paneli bar bolsa, ondaǵı Word yarlıgına tıshqansha kórsetkishi keltirilip, shep túyme basıladı;
3. Kontekst menyu arqalı → Создать→ Документ Microsoft Word.
Bul aynadan belgi menen kórsetilgen jazıwdı basıw kerek. Payda bolǵan konteks menyudan MS Word 2010 iske túsiriledi.
Microsoft Word programması aynasınıń ulıwma kórinisi tómendegi súwrette keltirilgen:
Fayllar menen ámeller orınlawdıń tiykarǵı buyrıqları Office túymesheleri menyusında jıynalǵan. Fayldı jaratıw ushın “Создать” bándi mólsherlengen. Bul bántti tańlaǵannan keyin, “Создание документов” aynasın kóriw múmkin. Aynanıń shep bóleginde hújjet jaratıw shablon ólshemi qatlamın kórsetiwi kerek. Ápiwayı hújjetti jaratıw ushın “Пустые и последние” variantı saylanadı. Sonnan keyin aynanıń oń bólegindegi “Новый документ” ti ajıratamız hám “Создать” túymesin basamız. Nátiyjede ekranda “Документ - nomer” atlı jańa bas hújjet súwretlenedi.
Microsoft Word 2007 niń qásiyetlerinen taǵı biri - ámeldegi hújjet tiykarında jańa fayl jaratıw bolıp tabıladı. Onıń ushın “Из существующего документа” bóliminen paydalanıp, diskten jańa fayl jaratıw ushın, kerek bolatuǵın fayldı alıw múmkin. Bunda alınǵan fayldıń quramı jańa hújjette jaylasadı. Fayldı jaratıwdıń bunday usılı ámeldegi fayl tiykarında jańa hújjet jaratıw ushın qolay esaplanadı. Word 2007 versiyası Word tekst redaktorınıń aldınǵı hámme versiyalarında, jaratılǵan hújjetler menen isleydi. Eger aldınǵı versiyada jaratılǵan hújjetlerdi Word 2007 de ashıw kerek bolsa, ol jaǵdayda funkcional shegaralanǵan rejim jumısqa túsiriledi. Bul haqqındaǵı maǵlıwmat bul tekst redaktorınıń bas bet qatarında kórinedi. Bul rejimde programmanıń bazıbir funkciyaların qollaw múmkin emes. Word 2007 nıń hámme funksiyaların isletiw ushın fayldı konvertaciyalaw kerek boladı. Onıń ushın “Office” túymesin basıw hám tiykarǵı menyudan “Преобразовать” bólimin tańlaw kerek. Nátiyjede bas bet qatarında funkcional shegaralanıw haqqında jazıw oqıladı hám siz programmanıń hámme funkciyaların isletiwińiz múmkin boladı.
Dıqqat: eger tekst redaktorınıń aldınǵı versiyalarında saqlanǵan fayl ashılǵan bolsa, “Преобразовать” bólimi qatnasıwı múmkin.
Word programması tekstti bir neshe usıllar menen ajıratıwı múmkin. Bunıń eń ańsat jolı tıshqansha menen ámelge asırıw bolıp tabıladı. Eger siz klaviaturanı isletpekshi bolsańız, ol jaǵdayda SHIFT túymesin uslap turıń hám kursor menen basqarıw túymelerin aralastırıń.
Qosımsha: Wordta tekstti belgilewdiń arnawlı rejimi bar. Bul rejimge ótiw ushın F8 túymesin basıw kerek. Sonnan keyin kursordı basqarıw túymesi yamasa PageUp/ Page Down (SHIFTtı uslamay) lardı basıw arqalı tekstti ajıratıw múmkin. Sonıń menen birge, eger qálegen háripti yamasa belgini tersek, ol jaǵdayda sol saylanǵan belgige shekem tekst ajıratıladı. Ajıratıw rejiminen shıǵıw ushın Escape túymesin basıw kerek. Sol tárizde keyingi sózdi ajıratıw ushın probeldi, tekstti yamasa xat bası (taza jol) aqırına shekem ajıratıw ushın Enter túymesin basıw kerek. F8 túymesin bir neshe ret basıw menen sóz, gáp, taza jol, hátte hámme tekstti ajıratıw múmkin.
Do'stlaringiz bilan baham: |
