Tekst redaktorlari menen islew. Ms word programmasi

3. Hújjetti kóriw hám tekst bólimlerin jıljıtıw
Kóp betli hújjetti kóriw
Tekstti kóshiriw, nusqasın alıw múmkinshiliginiń bar ekenligi islew tezligin asıradı. Mısalı, teksttiń qandayda bir bóleginen nusqa alıp, basqa orınǵa qoyıw hám onı redaktorlaw múmkin. Ámeldegi hújjetti Файл (File) menyusınıń Открыть (Open) buyrıǵı járdeminde ashıw hám islewdi dawam ettiriw múmkin. Kóp betli hújjetler menen islewde teksttiń belgili bir bólegine tez ótiw hám túrli ózgertiwler kirgiziwge tuwrı keledi. Microsoft Word ta hújjette háreketleniwdiń eki usılı bar: jıljıtıw hám kórsetilgen betke ótiw. Kóriw aynasınan joqarıda yamasa tómende jaylasqan tekstke ótiw jıljıtıw dep ataladı. Bir bet joqarı yamasa tómenge háreketleniw ushın Joqarıǵa hám Tómenge jıljıtıw túymelerinen paydalanıladı. Kóbirek aralıqqa jıljıtıw ushın júrgizgish (begunok) den paydalanıladı. Bul elementler vertikal jıljıtıw jolında jaylasqan. Hújjette háreketleniw tezligine qaray ol yamasa bul usıldan paydalanıladı. Hújjette bir qatarǵa, bir betke yamasa belgili bir bólegine: hújjet basına, ortasına yamasa aqırına ótiw múmkin. Joqarıǵa hám Tómenge jıljıtıw túymelerin hár bir basqanda hújjet bir qatarǵa joqarıǵa yamasa tómenge háreketlenip, ayna jańalanadı. Túyme bir neshe márte basılsa, hújjet qatarma - qatar tez háreketlenedi. Hújjettiń tómengi yamasa joqarı bólegin kóriw ushın júrgizgish tómen yamasa joqarı bóleginde tıshqansha túymesi basıladı. Hújjetti bir aynaǵa jıljıtıw ushın PageUp hám PageDown túymelerinen de paydalanıw múmkin. Hújjet basına, ortasına yamasa qandayda bir bólegine tez ótiw ushın júrgizgishte tıshqansha túymesi basıp turılıp, jıljıtıladı. Bunda shep tárepte betler kórsetip turıladı. Júrgizgishti joqarıǵa alıp shıǵıw hújjet basına, tómenge túsiriw bolsa hújjet aqırına alıp keledi. Ótiliwi kerek bolǵan bet tártibi belgili bolsa, jaǵdaylar qatarınıń shep tárepinde jaylasqan qatar tártibinde tıshqansha túymesi eki ret basıladı. Nátiyjede Переход (Go Tap) baylanısıw aynası ashıladı (12-súwret).