Tekst redaktorlari menen islew. Ms word programmasi

Введите номер страницы (Go tap What) maydanında kerekli bet tártibi kiritiledi hám Перейти (Go Tap) túymesi basıladı. Baylanısıw aynası jabılǵannan keyin kórsetilgen bet ekranda payda boladı hám ol jaǵdayda tekst kursorı jaylasadı. Перейти (Go Tap) baylanısıw aynasın shaqırıw ushın F5 túymesinen de paydalanıw múmkin. Baylanısıw aynasın jabıw hám hújjetke qaytıw ushın Закрыть (Close) túymesi basıladı.


Tekst bólimlerinen nusqa alıw hám qoyıw
Shama menen oylayıq, tekst bólegin hújjettiń ekranda kórinbeytuǵın bólegine qoyıw kerek. Bunday jaǵdaylarda tekst aldın almasıw buferine kóshiriledi, keyninen tekst jıljıtılıp, kerekli orın ekranǵa shıǵarıladı hám tekst buferden qoyıladı. Almasıw buferi - yadtıń bir bólegi bolıp, informaciyalardı waqtınsha saqlaw ushın xizmet etedi. Tekstti almasıw buferine alıw ushın aldın ajıratıladı. Стандартная (Standart ) úskeneler panelinde Копировать буфер (Copy) túymesi basıladı. Bunda tekstte hesh qanday ózgeris bolmaydı, biraq ajıratılǵan tekst nusqası almasıw buferine jaylasadı. Buferdegi nusqanı qoyıw ushın kursor kerekli orınǵa qoyıladı hám Стандартная (Standart) úskeneler panelinde Вставить буфера (Paste) túymesi basıladı. Microsoft Word alınǵan nusqanı kursor turǵan orınnan baslap qoyadı. Zárúrshilik payda bolǵanda onı redaktorlaw múmkin. Tekst bólegin kóshiriw ushın ol ajıratıladı hám Стандартная (Standart) úskeneler panelinde Удалить буфер (Cut) túymesi basıladı. Nátiyjede ajıratılǵan tekst qırqıp alınadı hám tekst hújjette qayta bólistiriledi. Jıljıtıw arqalı kursor tekst qoyılıwı kerek bolǵan orınǵa alıp kelinedi hám Стандартная (Standart) úskeneler panelinde Вставить буфера (Paste) túymesi basıladı. Tekst kursor turǵan orınnan baslap qoyıladı. Hújjettiń tekst qoyılǵan orınnan baslap tómen bólegi qayta bólistiriledi.
Tekstti tekseriw hám orfografik aljasıqlardı tuwırlaw
Orfografiyalıq qátelikerdi tekseriw ushın arnawlı funkciya bar bolıp, arnawlı túyme yamasa Orfografiya (Правописание - Spelling) buyrıǵı arqalı qosıladı. Tekseriw kursor turǵan orınnan baslanadı hám hújjet aqırında tamamlanadı. Microsoft Word hár bir sózdi standart sózlik boyınsha tekseredi. Ayırım sózler tuwrı jazılǵan, biraq sózlikte bolmawı múmkin. Orfografiya (Spelling) baylanısıw aynasında tek nadurıs jazılǵan sózler súwretlenedi, hújjette onı ajıratadı. Ol haqıyqatlıqtan da nadurıs jazılǵan bolsa, usınıs etilgen dizimnen tuwrı varianttı tańlaw yamasa ózińiz tuwrılawıńız múmkin. Hújjetti basınan tekseriw ushın kursor hújjet basına qoyıladı hám Стандартная (Standart) úskeneler panelinde Orfografiya (Spelling) túymesi basıladı. Eger nadurıs jazılǵan sóz sózlikte bolmasa, ol jaǵdayda Варианты (Suggestion) áynegi bos boladı (13-súwret).


Bunday jaǵdaylarda Пропустить (Ignore) túymesi basıladı hám tekseriw dawam ettiriledi. Eger dizimde tuwrı variant bar bolsa, ol ajıratıladı hám Заменить (Change) túymesi basıladı. Eger eki birdey sóz izbe - iz ushırassa, birinshi maydan atı Повторслов(Repeated Word) qa almasadı. Buday jaǵdaylarda Удалить (Delete) túymesi basılıp, artıqsha sóz óshiriledi. Tekseriw tawsılǵannan keyin OK túymesi basıladı. Bar qátelikti ǵárezsiz tuwrılaw ushın Нет в словаре (Not in dictionary) maydanı saylanadı hám tekst Заменить на (Change To) maydanına kiritiledi. Bunday aljasıqlar tez - tez ushırasıp tursa, Автозамена (AutoCorrect) túymesi basıladı. Keyingi náwbette bunday qátelik ushırassa, Microsoft Word onı avtomatikalıq túrde tuwrılaydı. Teksttiń qandayda bir bólegi ajıratılıp, Орфография (Spelling) túymesi basılsa, Microsoft Word tek ajıratılǵan bólim orfografiyasın tekseredi. Tekseriw tawsılǵannan keyin, tekseriwdi dawam ettiriw tuwrısında soraw shıǵarıladı. Tekseriwdi tamamlaw ushın Нет (No) túymesi basıladı.