Tekst redaktorlari menen islew. Ms word programmasi

Hújjetti baspadan shıǵarıw
Baspadan shıǵarıwdan aldın hújjetti kóriw

Hújjet baspadan shıǵarılǵanda qanday kóriniste bolıwın kóriw ushın qosımsha kóriw aynasınan paydalanıladı. Bul aynada bir yamasa bir neshe betti súwretlew múmkin. Qosımsha kóriw jol qoyılǵan aljasıqlardı tuwrılawǵa ketetuǵın waqtın hám qaǵazdı únemlew imkaniyatın beredi. Onıń ushın Стандартная (Standart) úskeneler panelinde Предварительный просмотр (Print Preview) túymesi basıladı. Qosımsha kóriw aynasında hújjettiń ámeldegi beti súwretlenedi (19-súwret).

Bir neshe betti kóriw ushın qosımsha kóriw aynasınıń úskeneler panelinde jaylasqan Несколькостраниц (Multiple Pages) túymesinen paydalanamız.
Qosımsha kóriw aynasında hújjetti redaktorlaw
Qosımsha kóriw aynasınan paydalanıp atırǵanda hújjetke zárúr bolǵan ózgertiwler kirgiziw múmkin. Mısalı, qoyıw, óshiriw hám formatlaw. Biraq bul jaǵdayda baspadan shıǵarılmaytuǵın belgiler súwretlenbegenligi sebepli, redaktorlaw boyınsha quramalı ámeller orınlaw hám formatlaw usınıs etilmeydi. Qosımsha kóriw aynasında redaktorlaw tómendegishe ámelge asırıladı:
1. Lupa túymesinde tıshqansha túymesi basıladı. Nátiyjede kórsetkish lupa kórinisin aladı. Kórsetkish teksttiń kerekli bólegine qoyılıp, tıshqansha túymesi basıladı - súwret ólshemi úlkenlesedi;
2. Qosımsha kóriw aynasınıń úskeneler panelinde Увеличение túymesi basıladı - kórsetkish dáslepki jaǵdayına qaytadı;
3. Kursor hújjettiń kerekli ornına qoyıladı hám kerekli ózgertiwler kiritiledi (qosıladı, óshiriledi, … ).
Betke ajratqıshlardı qoyıw
Tekst kóleminiń artıwı menen Microsoft Word hújjetti avtomatikalıq túrde betlerge ajıratadı - bóliw sızıqların ornatadı. Bunnan tısqarı qosımsha ajıratıwlar qoyıw múmkinshiligi de bar. Qosımsha kiritilgen ajıratıwlardı óshiriw de múmkin. Kiritilgen ózgertiwlerge qaray, Microsoft Word hújjetti qaytadan bólistiredi.
Betke ajıratıw tómendegishe qoyıladı:
1. Qosımsha kóriw aynasınıń úskeneler panelinde Масштаб (Zoom Control) maydanı janındaǵı strelkalı túyme basıladı hám Поширине страницы (Page Width) qatarı ajıratıladı;
2. Kursor kerekli orınǵa qoyılıp, «Ctrl+Enter» túymeleri kombinaciyası basıladı. Microsoft Word kursordan aldın betke ajıratıw sızıǵın qoyadı hám tekst kórsetilgen gápten baslap jańa betke ótedi;
3. Qosımsha kóriw aynasınıń úskeneler panelinde Несколькостраниц (Multiple Pages) túymesi basılıp, eki maydan saylanadı. Aynada eki bet súwretlenedi.