Tekst redaktorlari menen islew. Ms word programmasi

Programma bir neshe paydalı funksiyalardı da usınıs etedi.
1. Автотекст - paydalanılatuǵın sóz, ańlatpa yamasa súwretlerdi saqlaw ushın;
2. Стиль - formatlar kompleksin ózlestiriw hám saqlaw ushın;
3. Слияние - etiketka hám konvertlerdi baspadan shıǵarıw, seriyalı xatlar jaratıw ushın;
4. Макросы - tez-tez qollanılıwshı buyrıqlardı orınlaw ushın;
5. Мастера- professional úskenelestirilgen hújjetler tayarlaw uchın.
Programma aynasında islew
Microsoft Word jumısqa túsirilgennen keyin jańa (bos) hújjet áynegi ashıladı. Onı jazıw mashinasına qoyılǵan taza aq qaǵazǵa uqsatıw múmkin. Aynanıń joqarı bólegindegi túymeler hújjet penen islewdi ańsatlastıradı (2-súwret).


Microsoft Word aynasınıń joqarı bólegindegi eki qatar túymeler (úskeneler panelleri) hám sızǵısh úsh qıylı ǵárezsiz elementlerdi ańlatadı. Jumısshı tarawdı keńeytiw ushın olardan qálegenin alıp qoyıw múmkin. Zárúr bolǵanda taǵı aynaǵa qoyıw múmkin.
Úskeneler paneli
Microsoft Word menyusı qatarınan keyingi birinshi qatar túymeler Стандартная úskeneler paneli dep ataladı. Olar járdeminde tiykarǵı ámeller atqarıladı. Microsoft Word aynasında bir neshe úskeneler panelleri bar. Zárúrlik payda bolǵanda olardı ekranǵa shıǵarıw hám ekrannan alıw múmkin. Ayırım túymeler, mısalı, Стандартная (Standart ) úskeneler panelinde jaylasqan Печать (Print) túymesi, standart ornatıwlardı qollaǵan halda uyqas buyrıqtı háreketke keltiredi (3-súwret).

Стандартная (Standart) úskeneler paneli astında jaylasqan Форматирование (Formatting) úskeneler paneli tekstti formatlaw ushın xızmet etedi (4-súwret).


Úskeneler panellerinde qandayda bir bir funkciyanı baylanıstıratuǵın hám úzetuǵın túymeler de bar. Mısalı, Ненапечатаемие символы túymesi baspadan shıǵarılmaytuǵın belgilerdi ekranda súwretlew jaǵdayın ornatıw hám biykarlaw imkaniyatın beredi. Eger siz kútilmegende basqa túymeni basıp jiberseńiz, Esc túymesin basıw yamasa Отменить (Undo) túymesinen paydalanıp, orınlanǵan ámeldi biykarlawıńız múmkin.
Qandayda bir bir túymege tıshqansha kórsetkishi alıp kelinse, túymeniń wazıypası tuwrısında túsindirme kórsetiledi (5-súwret).

Microsoft Word tekst prosessorınan shıǵıw ushın Alt túymesin basıp turǵan halda F4 túymesi basıladı.