Tekst redaktorlari menen islew. Ms word programmasi

WORD TEKST PROTSESSORI HÁM TEKSTLI HÚJJETLER MENEN ISLEW TEXNOLOGIYASI


Joba:
1. Microsoft Word programmasın jumısqa túsiriw
2. Tekstti kirgiziw hám redaktorlaw
3. Hújjetti kóriw hám tekst bólimlerin jıljıtıw
4. Tekstti formatlaw
5. Hújjetti baspadan shıǵarıw


1. Microsoft Word programmasın jumısqa túsiriw
Microsoft Word programmasın Программы (Programs) yamasa Мой компъютер (My computer) áynegi járdeminde jumısqa túsiriw múmkin. Menyudan Microsoft Word tı jumısqa túsiriw ushın tómendegi ámeller orınlanadı: Пуск (Start) túymesi basıladı. Программы (Programs) menyusında Microsoft Word saylanadı hám tıshqansha túymesi basıladı.
Мой компъютер (My computer) áynegi járdeminde Microsoft Word programmasın jumısqa túsiriw tómendegishe ámelge asırıladı (1-súwret).

Мой компъютер (My computer) yarligina tıshqansha túymesi eki ret basıladı. Diskta saqlanıp atırǵan fayl hám papkalar dizimin shıǵarıw ushın Мой компъютер (My computer) aynasında Disk S (Drive C) yarligina tıshqansha túymesi eki ret basıladı. Winword papkası tabılıp, ol jaǵdayda tıshqansha túymesi eki ret basıladı. Microsoft Word tı jumısqa túsiriw ushın Winword. exe programmalıq faylında tıshqansha túymesi eki ret basıladı.

Tekst prosessori ne?
Tekst prosessorı - túrli hújjetler jaratıw ushın (mısalı, xat, esabat) tekstke islew beretuǵın programma bolıp tabıladı. Microsoft Word tekstlerdi kirgiziw, redaktorlaw hám formatlaw imkaniyatın beredi. Bul programma járdeminde hújjetke súwretler, keste hám diagrammalar qoyıw, orfografiyalıq hám grammatikalıq aljasıqlardı avtomatikalıq túrde tuwrılaw múmkin. Microsoft Word hújjetti jaratıw hám redaktorlawdı sezilerli túrde ápiwayılastırıw múmkinshiligine iye.
Kóp qollanılatuǵın ayırım funksiyalar qısqasha bayanı
1. Tekstti kirgiziw processinde kursor qatar aqırına kelip Microsoft Word avtomatikalıq túrde náwbettegi qatarǵa kóshiredi. Usınıń sebebinen Enter túymesin basıw shárt emes (jańa abzactan baslaw hám bos qatar jaratıwdan tısqarı).
2. Eger tekst kirgiziwde qátelikke jol qoyılsa, avtokorrekciya funksiyası onı avtomatikalıq túrde tuwrılaydı, orfografiyanı tekseriw funksiyası nadurıs jazılǵan sózlerdi, itibardı qaratıw hám tuwrılaw ushın, qızıl tolqınlı sızıq penen ajıratadı.
3. Microsoft Word tekstti keste kórinisinde súwretlew múmkinshiligine iye. Eger keste sanlı maǵlıwmatlardı óz ishine alǵan bolsa, onı ańsat diagramma kórinisinde súwretlew múmkinshiligine iye.
4. Qosımsha kóriw jaǵdayı hújjetti baspadan shıǵarıwdaǵı kórinisin kóriw imkaniyatın beredi. Bunnan tısqarı baspadan shıǵarıwdan aldın ózgertiwler kirgiziw ushın bir waqıtta bir neshe betti súwretlew imkaniyatın beredi.