Tekst redaktorlari menen islew. Ms word programmasi

Abzaclardı tegislew “Форматирование” úskeneler paneli járdeminde ámelge asırılıwı múmkin. Ádetde Word hámme abzaclardı shepke tegisleydi, bunda barlıq qatarlar bir vertikal sızıqtan baslanǵanday kórinedi. Tegislewdi bettiń orayına yamasa oń tárepine, sonıń menen birge bir blok formasında pútkil bet boylap eki tárepke de shólkemlestiriw múmkin.
Abzacta shegaraları hám birinshi qatar baslanatuǵın orındı gorizontal sızǵısh járdeminde ornatıladı. Abzacta shegaralarınıń tiykarǵı shamaların Формат usınısnamasınıń Абзац bólimi járdeminde de ornatıw múmkin.
Ádetde qatarlar arasındaǵı aralıq Wordta bir interval etip belgilengen. Yaǵnıy, bul bir qatar bálentligine teń. Biraq ol bir yarım, eki hám onnan da kóbirek interval bolıwı múmkin. Qatarlar arasındaǵı intervaldı ózgertiw ushın Формат usınısnamasınıń Абзац bólimindegi “междустрочный” maydanındaǵı dizimnen paydalanıw múmkin.
Hár qanday qaǵazda baspadan shıǵarılǵan hújjet xoshiyalarga iye boladı. Word bettiń hámme tárepindegi xoshiyalar keńligi ushın shamaların ornatıw imkaniyatın beredi. Onıń ushın Файл usınısnamasındaǵı Параметри страница bólimi saylanadı hám talap etilgen shamalar uyqas maydanlarǵa kiritiledi.
Hújjettegi orfografiyalıq qátelerdi tekseriw ushın klaviaturadaǵı F7 túymesin yamasa “Стандартная” úskeneler panelindegi uyqas belgi súwretli túymesheni basıw kerek.
WORD redaktorı Microsoft firmasınıń jemisi bolıp tabıladı. Házirgi kúnde WORD redaktorınıń versiyaları keń tarqalǵan hám bul redaktorlar tek ǵana Windows programması ortalıǵında isleydi. Bul redaktor járdeminde jańa tekstti kirgiziw, tekstti tayın forma tiykarında kirgiziw, xatlardı qoyılǵan talaplarǵa tiykarınan tayarlaw, mánzillerge jıberiw, súwret, grafik, keste hám diagrammalardan paydalanıw : tekstti baspadan shıǵarıwdan aldın ekranda názerden keshirim, tekstti kirgiziwde orfografiyasın tekseriw hám basqa bir qatar ámellerdi orınlaw múmkin.
WORD redaktorında bazıbir túsinikler bar. Bul túsiniklerdiń xarakteristikası tómendegishe:
• Avtotekst - tekst kiritilip atırǵanda ayırım sóz, sóz dizbegi hám gáplerdi bir neshe márte jazıwǵa tuwrı keledi. Olardı qayta jazıw zárúr emes. Avtotekst buyrıǵı olardı qayta jazadı.
• Avtoredaktor - tekstti kirgiziw processinde ayırım qáteler tez-tez tákirarlanadı. Bul qátelerdi tekst kiritilip atırǵanda avtomatikalıq túrde tuwrılaw múmkin. Bul ámel avtotahrir qılıw dep ataladı hám onı avtoredaktor orınlaydı.
• Ásbaplar paneli (lentalar) - túymeler kompleksinen ibarat bolǵan panel. Bunda túymeni basıw nátiyjesinde qandayda bir buyrıq atqarıladı. Hár bir túyme anıq wazıypa hám atamaǵa iye.
• Formatlaw - bul hújjet formasın ózgertiw bolıp tabıladı. Bunda shriftlerdi tańlawıńız, aytılıwı zárúr bolǵan sóz hám sóz dizbeklerin ajıratıw, taza jol shegaralardı tegislew, qatarlar arasındaǵı aralıqlardı ózgertiw múmkin.
• Avtoformat - ámeldegi sırtqı kórinisler tiykarında tekstti formatlaw.
• Kolontitul - hár bir bettiń joqarı yamasa tómen bóleginde jazılatuǵın qandayda bir bir maǵlıwmat. Mısalı, hújjettiń atı, hújjet avtorı, uyqas bettiń nomeri, sáne hám waqıt hám t.b. bolıwı múmkin.
• Konteks menyusı - “tıshqansha”nıń oń túymesi járdeminde payda etiletuǵın menyu. Saylanǵan obiektke uyqas túrde menyu da ózgerip turadı.
• “Tıshqancha” - házirgi zaman kompyuterleriniń ajıralmaytuǵın bólegi bolıp, ádetde, 2 yamasa 3 túymeli boladı.
WORD redaktorı tómendegi múmkinshiliklerge iye:
• Tekstlerdi kirgiziw hám tahrir qılıw;
• Tekstti baspadan shıǵarıwda aldın ekranda onıń formasın kózden ótkeriw;
• Hújjetlerdiń tayın formaları menen islew;
• Formatlaw usıllarınan paydalanıw;
• Xatlardı ámeldegi qaǵıydalar tiykarında tayarlaw;
• Blankalardı tayarlaw;
• Kesteler menen islew;
• Zárúr jaǵdayda járdemshi kórsetpe beriw;
• Formulalar jazıw;
• Orfografiyanı tekseriw;
• Sózlerdi buwınlap kóshiriw;
• WINDOWS qosımshaları maǵlıwmatlarınan paydalanıw;
• WORD Art járdeminde reklamalı tekstler tayarlaw;
• Diagrammalar hám grafikler, súwretler hám taǵı basqalar sızıw.