Tekst redaktorlari menen islew. Ms word programmasi

Abzac átirapında ramka jaratıw
Abzac átirapında ramka payda etiw ushın Обромление (Barders) úskeneler panelinen paydalanıw múmkin. Onıń ushın Форматирование (Formatting) úskeneler panelinde Обромление (Barders) túymesi basıladı. Programma aynasında úskeneler paneli payda boladı. Tekst kursorı kerekli abzacqa alıp kelinedi hám Обрамлениеvснаружы (Outside Barder) túymesi basıladı. Abzac átirapında qara ramka payda boladı (16 -súwret).

Orawshı sızıq stilin ózgertiw ushın Тип линии (Line Style) diziminde zárúr sızıq stili saylanadı. Ramka qoyılıwı kerek bolǵan tekst bólegi ajratıladı. Keyninen Форматирование (Formatting) úskeneler panelinde Обромление (Barders) túymesi basıladı.
Dizimdi tártiplew
Dizim punktlerin alfavit tártibinde tártiplew hújjettegi informaciyalardı tártiplewde járdem beredi. Bunday ámeldi orınlaw ushın zárúr bolǵan aralıq ajratıladı hám Таблица (Table) menyusınıń Сортировка текста (Sort Text) buyrıǵı saylanadı. Aynada tártiplew variantların usınıs etiwshi baylanısıw aynası ashıladı. Kerekli tártip kórsetilip, OK túymesi basıladı. Orınlanǵan ámeldi biykarlaw ushın Отменить (Undo) túymesinen paydalanıladı (17-súwret).



Qatar hám abzaclar intervalların ózgertiw
Qatarlar arasındaǵı intervaldı Microsoft Word programması standart etip belgileydi. Biraq bul intervaldı ózgertiw múmkinshiligi bar: mısalı, bir yarım, eki yamasa zárúrin “qolda” ornatıw múmkinshiligi bar. Onıń ushın Формат (Format) menyusınıń Абзац (Paragraph) bóliminen paydalanıladı. Bunda Абзац (Paragraph) baylanısıw aynası ashıladı (18-súwret).


Kerekli ózgertiwler kiritilgennen keyin OK túymesi basıladı. Orınlanǵan ózgertiwler hújjette sáwlelenedi.
Abzaclar arasındaǵı interval tómendegishe ornatıladı:
1. Kursor kerekli orınǵa qoyıladı;
2. Формат (Format ) menyusınıń Абзац (Paragraph) bólimi saylanadı, baylanısıw aynasınıń Интервал (Spacing) maydanında joqarıǵa (tómenge) baǵıtlanǵan strelkalı túyme basıladı. Образец qosımsha kóriw aynasında ózgerisler sáwlelendiriledi;
3. Hújjetke qaytıw ushın OK túymesi basıladı.
Qatarlar arasındaǵı interval tómendegishe ózgertiriledi:

1. 
   Формат (Format) menyusınıń Абзац (Paragraph) bólimi saylanadı;
   
2. 
   Baylanısıw aynasınıń Межстрочный (Line Spacing) maydanında kerekli interval kiritiledi (mısalı, двойной);
   

3. Baylanısıw aynasın jabıw ushın OK túymesi basıladı.