«tastiyiqlayman»

Mitsella payda boliwdin` kritikaliq kontsentratsiyasin konduktometriya usili ja`rdeminde aniqlaw
Jumistin` maqseti: Eritpelerde mitsella payda boliwdin` kritikaliq kontsentratsiyasin konduktometriya usilinda aniqlaw.
Jumisqa kerekli materiallar: Reoxordli ko`pirshe, elektr o`tkiziwshen`likti o`lshew idisi, suwli termostat, oleat natriydin` 0,1 M eritpesi, distillengen suw, 50 ml ko`lemdegi tsilindrler.
Jumisti orinlaw ta`rtibi. Elektr o`tkeriwshen`lik idisi (yacheyka) na tekseriletug`in eritpeden yacheyka elektrodlarin toliq jabatug`in ko`lemde quyiladi. Yacheyka termostatqa jaylastirilip, onin` elektrodlari reoxordli ko`pirshenin` klemmalarina jalg`anadi ha`m sol waqittin` o`zindey-aq, yacheykadag`i eritpenin` elektrlik qarsilig`i o`lshep alinadi. Son`inan pipetka yamasa o`lshew tsilindri ja`rdeminde yacheykadag`i eritpenin` yarimi alinip, onin` ornina usinday ko`lemde distillengen suw quyiladi-da, eritpenin` elektr qarsilig`i ja`ne o`lshenedi. Sol tu`rdegi suyiltiriw ha`m o`lshew jumislari 8 ma`rte ta`krarlanip, aling`an na`tiyjeler jazip bariladi ha`m olar tiykarinda to`mendegi ten`leme ja`rdeminde eritpelerdin` salistirmali elektr o`tkeriwshen`ligi esaplap tabiladi, yag`niy
(1)
bul jerdegi k-yacheyka turaqlisi, R<sub></sub>- o`lshep aling`an eritpe qarsilig`i (Om. larda).

Yacheyka turaqlisin (k) aniqlaw ushin eki ma`rte qayta kristallantirilg`an kaliy xlorid duzinin` aniq kontsentratsiyali eritpesi tayarlanip, reoxordli ko`pirshede onin` qarsilig`i o`lshenedi. Aniqlang`an qarsiliqti to`mendegi ten`lemege qoyip, yacheyka turaqlisi esaplap tabiladi

bunda R₀- kontsentratsiyali kaliy xlorid eritpesinin` qarsilig`i, ₀-eritpenin` berilgen temperaturadag`i qarsilig`i bolip, kaliy xloridnin` 0,02 n eritpesi ushin 25⁰S da ol 0,002768 om^-1.sm^-1 ge ten`.

O`lshew jumislari orinlang`annan son` aling`an mag`liwmatlar tiykarinda, abtsissa ko`sherine mol`.l<sup>-1</sup> lerde ko`rsetilgen eritpe kontsentratsiyalari, ordinata ko`sherine bolsa, om<sup>-1</sup>.sm<sup>-1</sup>larda ko`rsetilgen eritpelerdin` salistirma qarsiliqlari tu`sirilip, R - S g`a`rezliligin ko`rsetiwshi grafik siziladi. Grafikte payda bolg`an siniw (u`zik) boyinsha og`an sa`ykes keletug`in oleat natriydin` mitsella payda etiw kritikaliq kontsentratsiyasi tabiladi.