«tastiyiqlayman»

1-su`wret. Mikroskop

2-su`wret. Spektrofotometr (Unico-2800).

Spektrofotometriya - bioob`ektlerden o`tken nurdin` bir bo`liminin` jutiliwin o`lshewge tiykarlang`an usil bolip, bul metod penen biomolekulalardin` kontsentratsiyasin o`lshew mu`mkin.

3-su`wret. Polyarograf (PU-1)

4-su`wret. Elektrokardiograf (CARDIOVIT AT-2 plus Schiller)

Polyarografiya – biomolekulalardin` araliqlarin ha`m olardin` o`zgerislerin o`lshewge tiykarlang`an usil bolip, onin` ja`rdeminde mitoxondriyada ju`z beretug`in oksidleniw – fosforlaniw protsesslerin u`yreniw mu`mkin.
Elektrokardiografiya – ju`rek iskerliginde payda bolatug`in biopotentsiallardi jazip aliw usili.
Fluorestsentsiya - molekulani ma`lim bir tolqin uzinliqdag`i nur menen ta`sir ettirgenimizde, molekula qozg`aladi ha`m o`zinen basqa tolqin uzinliqtag`i nurdi shig`aradi, bul nurdi fluorimetr a`spabi menen o`lshew mu`mkin. Bul usilda arnawli ximiyaliq zatlar – zontlar qollaniladi. Zontlar u`yrenilip atirg`an molekula menen birikkende joqaridag`i nurlandiriw na`tiyjesinde o`zinen nur shig`aradi.

5-su`wret. Fil`trli fluorimetr «FLYuORAT-02-2M»

6-su`wret. Ostsilograf S1-94

Ostsillо́graf –waqtinshaliq oblasttag`i elektr signallardi izertlewde ekranda yamasa foto lentag`a jazip aling`an grafik signallarin vizual baqlaw ushin, sonday-aq grafik formasinda signallardin` amplitudali ha`m waqtinshaliq parametrin aniqlaw ushin arnalg`an usil.
Sonin` menen bir qatarda meditsinada, biologiyada, atom ha`m yadro fizikasi tarawinda qolg`a kirgizilgen jetiskenlikler na`tiyjesinde bir qansha diagnostikaliq ha`m biologiyaliq izertlewlerde paydalaniw mu`mkin bolg`an metodlar islep shig`ildi. Bularg`a: rentgen, nishanlang`an atom, pH - metriya, elektron mikroskopiya, potentsiometriya ha`m basqa metodlar kirip, biofizikaliq izertlewlerde ken`nen paydalaniladi.