«tastiyiqlayman»

BAQANIN` KESE-JOLAQ BULSHIQ ET TOQIMASINDA JU`ZEGE KELETUG`IN JARAQATLANIW POTENTSIALIN O`LSHEW, JARAQATLANIW POTENTSIALINA KALIY XLORIDTIN` TA`SIRI.
Jumistin` maqseti: Baqanin` nerv-bulshiq et preparati misalinda biopotentsiallardin` o`zgerisin u`yreniw.
Jumisqa kerekli materiallar: Ekranlastirilg`an kamera, mikromanipulyator, binokulyar mikroskop, biopotentsial ku`sheyttirgish, ostsillograf, Vol`tmetr, KSI din` 3M eritpesi menen toltirilg`an mikroeletrodlar, xlor gu`misli indifferent elektrodlar, bulshiq etti sirtqi perfuziyalaw ushin sistema, preparat ushin vannasha, Ringer eritpesi, baqa.
Jumisti orinlaw ta`rtibi: Baqanin` nerv-bulshiq et preparati tayarlanadi ha`m ol sabaq ja`rdeminde ta`jiriybe vannashag`a bekitiledi, onnan ag`ip o`tetug`in Ringer eritpesi tutastiriladi. Indifferent ha`m mikroelektrodlar ku`sheyttirgishtin` kiriw bo`limine tutastiriladi.
Eritpege mikroelektrod ushi tu`siriledi ha`m ku`sheyttirgish normal jag`dayg`a alip kelinedi.
Tsifrli vol`tmetr 0,000 V ti ko`rsetiwi kerek. Son` ostsillograf rozvertkasi 1 sm / 10s g`a, ku`sheyttirgishtin` seziwshen`ligi bolsa 10 mV/sm ge alip kelinedi. Mikromanipulyator ja`rdeminde mikroeletrodlar bulshiq et talasina kiritiledi ha`m ostsillograf ekraninda membarana potentsialinin` payda boliwi gu`zetiledi. Millivol`tda ko`rsetilgen tinishliq potentsiali ko`rsetkishin tsifrli vol`tmetr ko`rsetedi.
Da`slepki 10 minut dawaminda bulshiq ettin` jaraqatlaniw potentsiali onin` fiziologiyaliq eritpedegi jag`dayinda o`lshep alinadi. Bunday o`lshew jumislari ha`r 5 minutta ta`krarlanip bariwi sha`rt. Son`inan stakandag`i fiziologiyaliq eritpe kaliy xloridinin` 1,1% li eritpesine almastirilip, gezektegi 20 minut dawaminda, jaraqatlaniw potentsialinin` o`zgeriwi ko`rsetiledi. Solay etip ha`r biri 5 minut dawam etetug`in to`rt ret o`lshewden keyin, o`lshew jumislari ja`ne kaytadan fiziologiyaliq eritpede ta`krarlanadi. Bul tu`rde o`lshew jaraqatlaniw potentsialinin` da`slepki u`lkenligi qaytip tiklengenshe dawam ettiriledi.