«тасдиқлайман»

Илмий семинар раиси Г.Т.Махмудова: Раҳмат. Яна саволлар борми? Марҳамат.
Савол: фалсафа фанлари доктори, профессор А.Мухторов: Бугунги кунда ўзини ўзи бошқариш органларининг функционал вазифаси тубдан ўзгарди шунга муносабатингиз қандай?
Жавоб: тадқиқотчи С.Юлдашев: Саволингиз учун раҳмат. Устоз!
Саволга жавобим қуйидагича, тўғри айтдингиз, бугунги кунда ўзи ўзини бошқариш органлари фаолиятининг функционал вазифаси тубдан ўзгарди. Лекин ижтимоий-маданий технологиянинг янги усулларини қўллай бошлади, яъни “инсон ҳаёти, унга хизмат кўрсатишини манзилли мақсадли яхшилашга қаратилганлиги”ни амалий зарурлиги асослади. Бу ўз навбатида “Обод маҳалла-хавфсиз маҳалла” Концепциясини қабул қилинишига сабаб бўлди.
Илмий семинар раиси Г.Т.Махмудова: Раҳмат. Яна тадқиқотчимизга кимда саволлар бор? Етарлими. Ҳеч кимда бўлмаса менда савол бор?
Биринчи саволим, “Авесто” ва ислом дини манбаларида бошқарувга қандай муносабат билдирилган?
Иккинчи саволим, илмий янгилигингизда кўрсатган жамиятни илмий бошқаришда кадрлар фаолиятини юксалтиришнинг “интеллект + ресурс + ташаббус + инновация” каби ижтимоий-маданий хусусиятлари деганда нимани назарда тутгансиз?
Жавоб: тадқиқотчи С.Юлдашев: Саволингиз учун раҳмат. Гули Тилабовна!
“Авесто”да жамоа бўлиб яшашга даъват этилади. Бизнингча, бу билан кишилик жамиятининг илк шаклланиш босқичига асос солиб, бошқарув тизимининг вужудга келишига, дастлабки давлатчилик бошқаруви куртакларини шаклланишига кучли таъсир кўрсатганлиги маълум бўлади. изоҳланади.
Иккинчи саволга жавобим қуйидагича: жамиятни илмий бошқаришда кадрлар фаолиятини юксалтиришнинг “интеллект + ресурс + ташаббус + инновация” каби ижтимоий-маданий хусусиятлари деганимизда ходимларнинг янги технологиялар ва техника воситаларини такомиллаштириш ва кашф этиш бўйича ижодий қобилиятларини намоён этиши, ишлаб чиқариш жараёнини юксалтириш учун шарт-шароит яратишини инобатга олганмиз. Тафаккур инсон меҳнатини ақлий ва жисмоний турларга ажратар экан, ўзининг мўлжал, мақсади ва амалий кўринишлари билан мустақил фаолият тусини олади. Бизнингча, шахс “интеллектуал салоҳияти” натижасида мавжуд “ресурс”лардан оқилона фойдаланишни назарда тутувчи “ташаббускор”лигини рағбатлантирилади. Натижада жамиятни ижтимоий-маданий хусусияти сифатида “инновацион” ғоялар ишлаб чиқилиб ҳаётга тадбиқ қилинади. Бу жамиятни илмий бошқаришда ижтимоий-маданий технологияларни хусусиятини маълум даражада белгилайди.