«тасдиқлайман»

Илмий семинар раиси Г.Т.Махмудова: Расмий тақризчининг фикр ва мулоҳазаларига жавоб бериш учун сўз тадқиқотчи С.Юлдашевга.
Жавоб: тадқиқотчи С.Юлдашев: Расмий тақризчи Н.Б.Абдуллаевага диссертациямни ўқиб, илмий савиясини оширишга хизмат қиладиган таклиф ва тавсияларни берганликлари учун ўз миннатдорчилик билдираман. Шунингдек, улар томонидан билдирилган фикр мулоҳазаларни тез фурсатда бартараф қиламиз.
Илмий семинар раиси Г.Т.Махмудова: Раҳмат, саволлар бўлмаса, диссертациянинг муҳокамасига ўтамиз, Марҳамат.
Фалсафа фанлари доктори, профессор Э.Иззетова: Бугунги тадқиқот иши бўйича ўзимнинг айрим мулоҳазаларимни билдирмоқчиман. Биринчидан тадқиқот ишининг илмий янгилиги қисмини таҳрир қилиш лозим. Иккинчидан, тадқиқотнинг жамиятнинг илмий бошқариш эканлигини инобатга олиб бошқарув маданиятига ҳам илмий ёндашиш керак деб ўйлайман. Учинчидан, тадқиқотнинг хулоса қисмини яна ҳам аниқлаштирилса мақсадга мувофиқ бўлар эди. Тўртинчидан ижтимоий-маданий технологияларнинг бугунги кун талабларига мос эканлигини яна бир таҳрир қилиш керак деб ўйлайман. Расмий тақризчиларнинг фикрларини қўллаган ҳолда уни кейинги босқичга тавсия этиш мумкин.
Фалсафа фанлари доктори, профессор Н.Шермухамедова: Аввало шуни таъкидламоқчиманки, бугунги Илмий семинар жуда юқори савияда ўтмоқда. Мазкур тадқиқот ишининг авторефератини диққат билан ўқиб чиқдим. Унинг расмийлаштирилиши ОАК талабларига мос келган. Орфографик ва стилистик хатолар деярли кўзга ташланмайди. Лекин баъзи тавсияларим бор эди бу тавсиялар ишни яна ҳам савиясини оширган бўлар эди. Биринчидан, боблар ўртасидаги ўзаро алоқадорлик боғланса мақсадга мувофиқ бўларди. Иккинчидан, ижтимоий-маданий технологияларни методологик асосларини Шарқ мутафаккирларининг асарларидан фойдаланган ҳолда бойитиш керак деб ўйлайман. Учинчидан, Ўзбекистон тараққиётининг янги босқичида ижтимоий-маданий технологияларга талаб юқори эканлигини тадқиқот ишига сингдириш керак. Бу тавсияларимиз билан тадқиқот иши даражаси янада долзарблик касб этган бўларди.
Диссертация тугалланган тадқиқот бўлиб, ОАК талабларига тўла жавоб беради. Юлдашев Серобжон Ўрмоналиевични фалсафа доктори (PhD) илмий даражасига муносиб деб биламан. Диссертацияни кейинги босқичга тавсия этаман.