«тасдиқлайман»

Илмий семинар раиси Г.Т.Махмудова: Раҳмат. Яна саволлар борми? Марҳамат.
Савол: фалсафа фанлари доктори, О.Нишонова: Савол қуйидагича: иккинчи янгилигингиздаги фуқаролик жамияти институтлари фаолиятини такомиллаштиришнинг инновацион моделлари (шахс-оила-маҳалла-таълим муассасаси-ташкилот-жамият) деганда нимани назарда тутгансиз?
Жавоб: тадқиқотчи С.Юлдашев: Саволингиз учун раҳмат. Устоз.
Фуқаролик жамияти институтлари фаолиятини такомиллаштиришнинг инновацион моделлари “шахс-оила-маҳалла-таълим муассасаси-ташкилот-жамият” дейишимизга сабаб, Тараққиётни янги босқичигача “мактаб-оила-маҳалла” деган тамойил асосида фуқаролик жамиятини фаолиятини қамраб олганлигини кузатган эдик. Бизча, биз таклиф қилаётган инновацион моделимизни бугунги кун талабига жавоб беради ва қамров жиҳатидан кенг ҳамда жамиятни бошқаришдаги самарадорлиги юқори бўлади деб ҳисоблаймиз.
Илмий семинар раиси Г.Т.Махмудова: Раҳмат. Яна саволлар борми? Марҳамат.
Савол: фалсафа фанлар доктори, профессор Т.А.Артиқов: Саволим қуйидагича: 3-бобда Фуқаролик жамиятини шаклланишида маҳалла институтининг такомиллашуви дегансиз нимани назарда тутгансиз?
Жавоб: тадқиқотчи С.Юлдашев: Саволингиз учун раҳмат Устоз.
Саволингизга жавобим қуйидагича, мамлакатимизда маҳалла ўзини ўзи бошқариш тузилмаси сифатида оиладан фуқаролик жамиятига ўтиш учун ахлоқий кўприк вазифасини ўтайди. Бу ҳол мамлакатимизда фуқаролик жамиятига ўтиш жараёнининг жадаллашувига хизмат қилади. Шу маънода, Маҳаллани ўзини ўзи бошқариш мактаби, таъбир жоиз бўлса, демократия дарсхонаси, деб аташ мумкин. Шу сабабли ҳам ҳозирда маҳалла институтининг такомиллашув жараёни рўй бермоқда десак муболаға бўлмайди.
Илмий семинар раиси Г.Т.Махмудова: Раҳмат. Яна саволлар борми? Марҳамат.
Савол: фалсафа фанлар доктори, профессор Ж.С.Раматов: Саволларим қуйидагича:
Биринчиси, ижтимоий-маданий технологияларни санаб беринг?
Иккинчи саволим, инновацион моделлар деганда нимани талқин қиляпсиз?
Учинчи саволим, диссертация иши бўйича бирорта тадқиқот ўтказдингизми?