Тасдиқлайман” “келишилган”

“ТАСДИҚЛАЙМАН”		“КЕЛИШИЛГАН”
Ўзбекистон Республикаси Олий ва ўрта махсус таълим вазири ___________ А.Тошқулов “___”_____________20__ йил		Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейи директори ________________Б.Ҳасанов “___”_____________20__ йил

ОЛИЙ ТАЪЛИМ МУАССАСАСИ ТУЗУЛМАСИДАГИ
ҚАТАҒОН ҚУРБОНЛАРИ ХОТИРАСИ МУЗЕЙИ ХОДИМЛАРИНИНГ ЛАВОЗИМ ВАЗИФАЛАРИ БЎЙИЧА
ЙЎРИҚНОМА


Тошкент-2021
КИРИШ

Ўзбекистон Республикаси Вазирлар Маҳкамасининг 2017 йил 22 ноябрдаги 936-сон қарорига асосан Қорақалпоғистон Республикаси ва 12 та вилоят олий таълим муассасалари тузилмасида Қатағон қурбонлари хотираси музейлари ташкил этилган.

Мазкур музейлар услубий жиҳатдан Ўзбекистон Республикаси Вазирлар Маҳкамаси ҳузуридаги Қатағон қурбонлари хотираси давлат музейига бўйсундирилган.
Ҳудудий музей ходимларига қўйиладиган касбий талаблар ҳамда уларнинг меҳнат шартномаларида акс этмаган вазифаларини белгилаб берадиган ушбу лавозим йўриқномалари Ўзбекистон Республикасининг Меҳнат кодекси (ЎзР 21.12.1995 й. 161-I-сон Қонуни билан тасдиқланган)га биноан ишлаб чиқилган.

МУЗЕЙ ДИРЕКТОРИ


Хизмат вазифалари: музейнинг илмий, илмий-экспозицион, маънавий-маърифий фаолияти йўналишларини белгилайди, ўрнатилган тартибда унинг йиллик ва истиқболдаги иш режаларини ишлаб чиқади ҳамда ОТМ ректорига тасдиқлатади. Илмий-ижтимоий ва хўжалик ишларининг бажарилишини назорат қилади. Музей буюмлари ва экспонатларининг сақлаш, таъмирлаш ва жамлаш учун шарт-шароитлар яратиб бериш, уларнинг тўлиқ бўлиши ҳисобини олиб боришни ташкил қилиш юзасидан, юқори бошқарув органлари (ОТМ ректрори, Вазирлар Махкамаси хузуридаги Қатағон қурбонлари давлат музейи раҳбарияти, вилоят, шаҳар ҳокимлиги)га таклифлар киритади. Меҳнат тўғрисидаги қонунларда назарда тутилган тартиб асосида ходимларни ишга қабул қилиш ва ишдан бўшатишга тавсия беради. Меъёрий-ҳуқуқий ҳужжатларда белгиланган тартибда ходимларни моддий рағбатлантириш ёки ўз лавозими мажбуриятларини тўлиқ бажармаган ходимларга нисбатан маъмурий ҳамда молиявий жазони қўллаш чораларини кўради. Моддий, молиявий ва меҳнат ресурсларидан самарали фойдаланиш юзасидан чора-тадбирлар белгилайди, ишнинг бир маромда бориши ва илмий тадқиқотлар ҳамда техник ишланмалар режаларининг ўз вақтида бажарилишига масъул ҳисобланади. Ходимлар меҳнатининг сермаҳсул бўлиши, тадқиқотлар ва ишланмалар самарадорлигининг ошиши учун етарли шарт-шароит яратади, давлат интизоми, меҳнат қонунчилиги, жамоа шартномасининг бажарилиши, меҳнатни мухофаза қилиш, техника хавфсизлиги, ёнғинга қарши ҳимоя қоидалари ва меъёрлари ҳамда меҳнат интизомига риоя қилинишини таъминлайди
Билиши лозим: Ўзбекистон Республикасининг Конститутцияси ва қонунларини, мамлакат миқёсидаги меъёрий ҳужжатларни, Ўзбекистон Республикаси Президенти ва Вазирлар Маҳкамасининг ривожланиш йўналишларини белгилаб берувчи фармон ва қарорларини, Ўзбекистон қонунчилиги асосларини; давлат тилини. Замонавий техник воситалардан (компьютер, факс ва бошқалар) фойдаланишни.