Тасдиқлайман” “келишилган”

Малака билан боғлиқ талаблар: Фан номзоди, фан докторлик ёки тарих фани бўйича фалсафа доктори (PhD), фан доктори (DSc) илмий даражаси, ихтисослик бўйича 10 йилдан кам бўлмаган меҳнат тажрибасига эга бўлиши лозим.


ФОНД САҚЛОВЧИ (МУХОФИЗ)


Хизмат вазифалари: Фонд сақловчи (мухофиз) музей фондига музей ашёларини (буюмлар, архив ҳужжатлари, ёзма манбалар, тасвирий санъат асарлари, фото ва видео материаллар ва бошқалар) қабул қилиш, илмий ҳужжатлаштириш, муайян бир тизимга солиш ва сақлашни таъминлайди. Директор билан биргаликда музей буюмлари ва музей коллекцияларини тўлиқлигини таъминлаш, сақлаш, ҳисобини олиб бориш, уларни ўз вақтида жойлаштириш ва таъмирлашга жавобгардир.
Ўз иши фаолиятида: музей бойликларини мазкур йўриқнома асосида тўғри рўйхатга олиш; музей бойликларини нобуд бўлиши ва ўғриланишидан ҳимояланган ҳолда сақлашни ташкил этиш; музей бойликларининг рўйхатлари ва бу бойликларини сақлашга оид барча ҳужжатларни тўғри юритиш ҳамда бу ҳужжатларни эҳтиётлаб сақлашни ташкил қилиши шарт. Экспозиция ҳамда архив ва фондлардаги экспонатлар, материалларнинг тўлиқ рўйхатини юритиш ва уларни электрон каталогини тузишилишини ташкиллаш. Фонд коллекциялари каталогларини, фонддаги материаллар бўйича маълумотномаларни, методик қўлланмаларни нашрга тайёрлайди.
Ўз фаолияти доирасида илмий-тадқиқотлар олиб боради, илмий анжуманлар, семинарлар, йиғинларда маърузалар қилади.
Фондга олиб келинган архив техник ҳужжатларни ўз вақтида қабул қилиш ва уларнинг тўғри расмийлаштиради. Экспонат ва ҳужжатларга мувофиқ равишда сақлаш лозим бўлган ноёб буюмларни танлаб олиш мақсадида текширув ўтказишни таъминлайди. Архивда сақланаётган ҳужжатларни ўрганиш ва уларни инвинтаризация китобига тушириш ишларини олиб боради. Архив ҳужжатлари ҳолати, уларнинг сақланишини ўз вақтида қайта тиклаш ва алмаштириш ишларини амалга оширади. Архив ишларини ўрганиб чиқиб уларни муҳр билан муҳрлайди.
Билиш лозим: Юқори турувчи ташкилот ва музей раҳбарияти томонидан ўрнатилган талабларни, фармойиш ва буйруқларни ижросини таъминлашни. Музейшунослик ва архившунослик назарияси ва амалиётини. Меҳнатни муҳофаза қилиш, техника хавфсизлиги, ёнғин хавфсизлиги қоидаларини. Хорижий тиллардан камида биттасини (мукаммал рус ёки инглиз тили). Замонавий техник воситалардан (компьютер, факс ва бошқалар) фойдаланишни.