Тасдиқлайман” Чирчиқ давлат педагогика университети ректори Ғ. И. Мухамедов

Тадқиқотнинг предметини талабаларининг интеллектуал-ижодий қобилиятини ривожлантириш мазмуни, шакл, метод, воситалари ва технологиялари ташкил этади.
Тадқиқотнинг усуллари. Тадқиқот жараёнида олий таълимнинг ривожланиш тенденцияларини аниқлаштиришга имкон берувчи илмий манбаларни таҳлил этиш, ўқув-меъёрий ҳужжатлар, дарслик ва ўқув-методик адабиётларни танқидий ва қиёсий ўрганиш, педагогик кузатув, суҳбат, тест, анкета сўровномалари, педагогик тажриба-синов натижаларини математик-статистик қайта ишлаш методларидан фойдаланилди.
Тадқиқотнинг илмий янгилиги:
талабаларда интеллектуал-ижодий қобилиятни ривожлантиришнинг педагогик-психологик хусусиятлари ақлий фаолиятни интенсивлаштирувчи мотивацион-қўзғатувчи муҳитда креатив ҳаракатларни рағбатлантирувчи ностандарт вазиятларни қўллаш асосида аниқлаштирилган;
талабаларнинг интеллектуал-ижодий қобилиятни ривожлантириш технологиялари визуал таъсирга йўналтирилган ўқув жараёнини ифодалилик, ўзини намоён этиш каби рефлексив омиллар асосида ташкил этишга мўлжалланган “Муваффақиятли келажак дастури”ни асбий ривожланиш динамикасини таъминлаш асосида такомиллаштирилган;
кластер ёндашуви асосида талабаларнинг ақлий ва ижодий фаолиятини уйғунликда ривожлантириш механизмлари коллоборатив ҳамкорликка асосланган концентрациялашган жараёнда интеллектуал цикл ўқув топшириқларини педагогик амалиёт мазмунига ўзаро таъсирчанлик муносабатида сингдириш асосида такомиллаштирилган;
талабаларда интеллектуал-ижодий қобилиятни ривожлантириш модели креативлик ва амалий кўникмаларни шакллантиришга қаратилган тадқиқий фаолият, ижодкор талаба портрети каби кластерли ёндашув компонентлари таркибига таълим субъектларининг интеграллашувига устуворлик берилган стратегик режа, ахборот алмашинуви каби инновацион муҳит инструментларини киритиш асосида такомиллаштирилган.


Тадқиқотнинг амалий натижалари қуйидагилардан иборат:
талабаларда интеллектуал-ижодий қобилиятни ривожлантириш мезонлари, даражалари ва кўрсаткичлари аниқлаштирилган;
педагогик олий таълим талабалари учун “Мактабгача таълимда раҳбарлик” дарслиги нашр қилинган;
талабаларда интеллектуал-ижодий қобилиятни ривожлантириш технологиялари бўйича электрон ўқув-услубий мажмуа ва дастурий таъминот ишлаб чиқилган;
“Мактабгача педагогика” фанидан методик ишланмалар яратилган.