Тасдиқлайман” Чирчиқ давлат педагогика университети ректори Ғ. И. Мухамедов

Савол: Тадқиқотингизда педагогик-психологик шарт-шароит дейилган. педагогик-психологик шарт-шароитларни изоҳлаб беринг?
Жавоб: Талабаларнинг интеллектуал-ижодий қобилиятини ривожлантиришнинг педагогик-психологик шарт-шароитлари:
1.Талабаларнинг қизиқишларини ҳисобга олган ҳолда уларни руҳан қўллаш ва рағбатлаш.
2. Ривожлантирувчи-таълимий ва ижодий муҳит яратиш.
3. Илмий-методик марказ ташкил этиш.
4. Оила, мактаб, лаборатория, касб-ҳунар мактаблари ва ОТМ ўртасида ҳамкорлик.
5. Маҳорат дарслари.
6. Ўзаро тажриба алмашиши ва амалиётда бажариш имкониятини яратиш
Педагогика фанлари доктори, профессор Нурманов Абдуназар Тошбоевич:
Савол: Сизнинг мавзуингиз бўйича савол, сизнинг татқиқотингизда кластерли ёндашувдан фойдаланиш бирламчими ёки талабаларнинг интеллектуал-ижодий қобилиятини ривожлантиришми? Биринчи вазифа қайси бири? Кластерли ёндашув қандай имкониятлар берди сизга?
Жавоб: Саволингиз учун катта раҳмат, устоз! Татқиқотимизда талабаларнинг интеллектуал-ижодий қобилиятини ривожлантириш бирламчи вазифа бўлиб, кластерли ёндашувдан фойдаланиш иккиламчи бўлиб хизмат қилади.
Савол: Кластерли ёндашувдан фойдаланишда талабаларнинг интеллектуал ижодий қобилиятини ривожлантириш имкониятларини очиб беришингизни сўрайман.
Жавоб: Олий таълимда индивидуал траекторияни амалга ошириш ғояси ҳар бир талаба хоҳиш-истакларига мувофиқ ўз жадвали ва ўзлаштирилган дастурлар рўйҳатини тузиши мумкинлигига асосланади. Ўқитувчилар талабага ўқув топшириқларини бажариш бўйича кўрсатма беради. Замонавий давлат таълим стандартлари бундай ўқув жараёнини муваффақиятли амалга оширишга имкон беради. Талаба курсни йўқотмасдан унинг ўзгарган қизиқишлари ва касбий эҳтиёжларига мос келадиган бошқа ўқув дастури бўйича ўзлаштириши мумкин. Бундай имконият талабаларда универсал компетенцияларни шакллантиради ва келажакда профессионал мутахассис бўлишини таъминлайди. Индивидуал траектория бу талабанинг турли хил муаммоларга қанчалик ноанъанавий ёндашуви, берилган талаблардан четга чиқиши, ўз фаолиятини диверсификация яъни кенгайтириш, юқори натижаларга эришиш, ташаббускорлик, фаоллик ва ўзини намоён қилиш билан тавсифланади. Ижодкор талаба, ижодкор бўлиши учун таваккалчи, мустақил, когнитив синчков, тасаввур ва фикрнинг аниқлиги ва бошқа хусусиятларга эга бўлаши лозим.