Мусиқа кафедраси: Ҳозирда кафедрамизда катта ўқитувчиси Н.Ҳакимов Педагогика фанлари доктори, М.Ҳайдаров раҳбарлигида “Умумтаълим мактабларида қўшиқлар воситасида миллий ғурур ва ифтихор туйғуларини шакллантиришнинг педагогик хусусиятлари”, кафедра ассистенти Д.Раимова Педагогика фанлар номзоди А.П.Сулаймонов раҳбарлигида «5-7-синф ўқувчилари мусиқий билимларини оширишнинг педагогик технолигиялари», ассистент Д.Мўминова профессор Ш.Қ.Мардонов раҳбарлигида «Ўзбек лирик қўшиқлари воситасида ўқувчиларда миллий мусиқий қадриятларга ижобий муносабатларни шакллантириш (5-7-синфлар мисолида)» мавзулари асосида илмий-тадқиқот ишларини олиб боришмоқда. Келгусида кафедра ассистентлари З.Ходжаева, М.Ашуров, О.Тўраева, М.Эргашев ва катта ўқитувчи Ш.Аҳмедовлар диссертация мавзуларини олиб уларни тасдиқлаш арафасида турибдилар.
Бир неча йилдирки, Ўзбекистон Республикаси Олий ва ўрта махсус таълим Вазирлигининг 2008 йил 8 августдаги 237-буйруғи ижросини таъминлаш мақсадида факультетда иқтидорли талабалар билан ишлаш кенг йўлга қўйилган. Педагогик тажрибаларга таянилган ҳолда факультетда иқтидорли талабаларни излаш, аниқлаш тартиби ҳамда улар билан мақсадли ишлашнинг шакл ва услублари белгиланган. Танланган иқтидорли талабалар мақсад сари интилиши, қатъиятлиги ва мехнатсеварлиги ҳамда ижодий фаолият билан мунтазам равишда шуғулланишлари билан ажралиб турадилар. Режа асосида кафедраларга бириктирилган иқтидорли талабаларнинг муайян ўқув курсларида бажариладиган ишлар мазмуни асосида иш кўриб, йил якунида эса мониторинг жадваллари шакллантирилиб борилди. Иқтидорли талабаларни номдор сипендиялар, фан олимпиадалари, Фонд-форумнинг махсус дастурларида иштирокини таъминлаш ва мақсадли тайёрлашда фанларни юқори даражада ўзлаштириши, компъютер саводхонлиги, чет тилларини пухта эгаллаши, илмий-ижодий ишларни бажаришда мустақиллиги, илм-фан соҳасидаги янгиликларни тезкорлик билан эгаллаши, шунингдек, юртимизда олиб борилаётган ислоҳотлар, таълимий ўзгаришларнинг мазмун-моҳиятини чуқур англаши, муносабат билдириши, ватанпарварлиги каби омиллар назарда тутилади.
“Мустаҳкам оила” йилига бағишлаб жорий йилнинг май ойига режалаштирилган. “Ёшларни ижтимоий ҳаётга мослашувининг педагогик-психологик шарт-шароитлари” мавзусида Фарғона водийси олий ўқув юртлари иқтидорли талабалари ва уларнинг илмий раҳбарлари иштирокида ўтказиладиган илмий-амалий анжуман ҳам бу борада қилинаётган амалий ишларнинг салмоғи ортиб бораётганлигинидан далолатдир.
Факультетда талабаларнинг фан асосларини янада чуқур ўзлаштиришлари, илмий-тадқиқот ишларига кенгроқ жалб этиш мақсадида тўгарак ташкил қилинган бўлиб, айни пайтда тўгарак машғулотларига алоҳида эътибор қаратилаётганлиги, талабалар билимида сезиларли, ижобий ўзгаришларга сабаб бўлаётганлигига барчамиз гувоҳ бўлиб турибмиз. Тобора ривожланиб келаётган давлатимизга ўз иқтидорини, ноёб истеъдодларини номоён эта оладиган ёшлар зарур. Уларнинг улуши бутун бир халқнинг номини улуғлашга қодир. Бугун ёшлар орасидан ана шундай ўз билими, маънавияти билан она юрт шарафини юксалтирадиган малакали кадрлар етишиб чиқишига шубха йўқ.
Do'stlaringiz bilan baham: |