‘"тасдиқлайман" Андижон давлат университети

‘“ТАСДИҚЛАЙМАН”
Андижон давлат университети
ректори, профессор ______Т.А.Мадумаров
«______»_______________ 2012 йил
АНДИЖОН ДАВЛАТ УНИВЕРСИТЕТИ

ПЕДАГОГИКА ФАКУЛЬТЕТИНИНГ

2011-2012 ЎҚУВ ЙИЛИДА АМАЛГА ОШИРГАН

ИШЛАРИ ЮЗАСИДАН

Андижон – 2012



“Биз истеъдодли, фидоий болаларимиз, фарзандларимизга билим ва касб-хунар чўққиларини эгаллашлари учун қанот беришимиз керак.”


И.А.КАРИМОВ


Таълим муассасасида талабаларнинг билими, савияси кўп жиҳатдан уларга таълим бераётган ўқитувчининг илмий-педагогик салоҳиятига боғлиқдир. Истеъдодли ва иқтидорли ёшларни излаб топиш, уларни қўллаб-қувватлаш ҳамда уларнинг қобилиятларини ривожлантириш учун ўз навбатида бўлажак педагог- кадрларни тайёрловчи олий ўқув юртлари профессор-ўқитувчиларга катта масъулият юклайди. Маънавий ва ахлоқий покланиш, иймон, инсоф, диёнат, ор-номус, меҳр-оқибат ва шу каби чинакам инсоний фазилатлар ўз-ўзидан келмайди. Ҳаммасининг замирида ота-она, устоз-мураббийлар томонидан берилаётган тарбия ётади. Ушбу масъулиятли ишларни амалга ошириш ҳамда кадрлар тайёрлаш сифатини такомиллаштириш мақсадида Педагогика факультетида Ўзбекистон Республикасининг "Таълим тўғрисида"ги Қонуни ва "Кадрлар тайёрлаш миллий дастури” асосида ҳамда Ўзбекистон Республикаси Олий ва ўрта махсус таълим вазирлигининг меъёрий ҳужжатлари асосида ўқув ишлари ташкил этилмоқда. Факультетимизда хорижий мамлакатларда тўпланган ижобий тажрибаларга асосланган ҳолда, олий таълим тизимининг тўлақонли фаолиятини ташкил этиш ва ислоҳотларни жадаллаштиришга қаратилган меъёрий-услубий ҳужжатлар ишлаб чиқилмоқда.
Педагогика факультети таркибидаги “Педагогика”, “Бошланғич таълим методикаси”, “Психология”, “Тасвирий санъат ва муҳандислик графикаси”, “Мусиқа” кафедраларининг 2011-2012 ўқув йилида ўқув, илмий-услубий, илмий-тадқиқот, ташкилий-услубий ҳамда маънавий-маърифий соҳаларда қуйидаги ишлар амалга оширилди: