Tarix 6-sinf

Misrliklarning mashg‘ulotlari

Nil daryosi dalalarni suvga bostirib, keng-mo‘l oqqan

yillarda misrlik dehqonlarning hosili ham ba- rakali bo‘lgan.
Misrlik dehqonlar bug‘doy va arpa, shu- ningdek, poliz ekinlarini ekishgan, yetishtiril- gan kanopdan esa gazlama to‘qishgan. Nil vodiysida uzum, qovun, anor, xurmo, piyoz, bodring, loviya kabi meva va sabzavot yetish- tirilardi.
Qadimgi zamonda yerga omoch bi- lan ishlov berib, urug‘ qo‘lda sepilgach, urug‘likni yerga singdirish uchun qoramol- larni daladan haydab o‘tishgan. Mehnat qurollari takomillashishi bilan ziroatchilar omoch va hayvonlar kuchidan foydala- na boshlashdi. Misrliklar sigir, qo‘y-ech- ki, cho‘chqalarni boqishgan. Ziroatchilar ho‘kizlardan dala ishlarida foydalanishgan.
Misr dehqonlari yerga urug‘ sochish va hosilni yig‘ishtirib olish ishlarini g‘ayriodatiy muddatda o‘tkazishgan. Iyul-sentabr oylarida ular dam olishar va urug‘likni ekishga hozir- lashardi. Negaki, bu mahalda barcha dalalarni suv bosardi.
Kuzda dalalarga urug‘ ekilgan. Qishda esa hosil yig‘im-terimi boshlangan. Boshoqlarni mis o‘roqlar bilan o‘rib olib, so‘ngra maxsus joyga tashib, bug‘doy yoki arpa bog‘lamlari ustidan hayvonlarni haydab o‘tib, hosilni yan- chishgan. Xirmonjoydan chiqqan don sopol xumlarda saqlangan. Bu tadbir donni son-

Nil daryosi vodiysi

Misr podshohligi

sanoqsiz kemiruvchilar – zararkunandalardan omon saqlardi.

Hunarmand- chilikning rivojlanishi

Qadimgi Misr hunarmandla- rining 30 dan ziyod kasb-kor- lari bo‘lgan. Misgarlar misni

Savdo-sotiq

eritib, undan mehnat qurollari quyishardi. Ku- lollar loydan turli-tuman idish-tovoqlar yasab, idishlarni xumdonda pishirishgan. Quruvchilar saroylar, ibodatxonalar va uylar bunyod etish- gan. Oddiy misrliklarning uyi loy suvalgan pa- pirus poyalaridan, zodagonlarning uylari esa oftobda quritilgan xom g‘ishtdan qurilgan.
Fir’avnlarning saroylari va ibodatxonalar toshdan barpo etilgan. Duradgorlar deraza va eshiklar yasashardi. Kemasozlar qamishdan qayiqlar, yog‘ochdan esa kemalar yasagan- lar. To‘quvchilar kiyim-kechak uchun gazmol- lar tayyorlashar, tikuvchilar esa liboslar tiki- shardi.