Тарих ўқитиш методикасинининг предмети, мақсад ва вазифалар

Антропология - одамнинг биологик табиатини ҳар томонлама ўрганувчи фан.
Асотирлар - ибтидоий инсонларнинг коинот, табиат ҳодисаларининг моҳияти, пайдо бўлиш сабабларини ўзларича изоҳлаш мақсадида яратган оғзаки ҳикояларидир. Инсоният тафаккурининг илк меваси сифатида асотирлар қадимги аждодларимизнинг атрофини ўраб олган борлиққа, турли-туман нарса ва ҳодисаларга, коинот ва ер ости дунёсига бўлган қарашлар тизимидан иборат.
Асотирлар кейинчалик инсон бадиий тафаккурининг ривожи, илм-фан тараққиёти туфайли табиат ҳодисалари ва турли нарсаларнинг сир-асрорини тушуниб етишлари оқибатида афсона, ривоят каби жанрларга айландилар.
Асотирлар ер юзидаги барча халқларда мавжуд, чунки барча халқлар ўз тараққиётининг илк босқичларида асотирлар орқали фикрлаш, дунёга асотирлар нигоҳи билан қараш босқичини босиб ўтганлар.
Ассимиляция - янги шароитда тайёр малака ва кўникмалардан жиддий ўзгаришсиз фойдаланиш.
Аутотренинг - ўзини-ўзи ишонтириш, шахснинг ўзини-ўзи бошқаришга қаратилган махсус машқлар тўплами, аутотренингдан шахснинг ўз руҳий ҳолати ва хулқини бошқаришда фойдаланилади.
Ахборотли малака - таълим ва тарбия масалаларига ахборотларни мослаштириш ва талқин қилиш малакаси.
Аҳлоқ - шахснинг жамиятга ва бошқа кишиларга нисбатан бурчини белгилаб берувчи меъёрлар тизими, маънавий хулқ қоидалари, у ижтимоий онг шаклларидан биридир.
Баён қилиш - ўқитувчи томонидан ўрганилаётган материал мазмунини изчил сўзлаб бериш методи.
Билиш фаолияти - идрок қилиш ҳисси, назарий фикрлаш ва амалий фаолият бирлиги.
Бошқариш - ташкил этиш, қарор қабул қилишга қаратилган фаолият, объектни ўз хизмат вазифаси доирасида назорат қилиш, тартибга солиш, ишончли ахборотлар асосида тахлил қилиш ва якун ясаш.
Бурч - муайян аҳлоқий мажбуриятларни ҳис қилиш, унинг зарурлигини англаш.
Вазифа - мақсад ва уни амалга ошириш босқичларининг ойдинлаштирилиши.
Вербал - ифодали, оғзаки.
Гуманизм - 1) инсоннинг инсонга бўлган муҳаббати, унинг қадрини ҳурмат қилиш, киши манфаатлари учун қайғуриш ғоялари билан суғорилган ва кишилар ўртасидаги тенглик, ҳалоллик, инсоний муносабат тамойилларига асосланган дуёқараш; 2) инсонийлик ва инсонпарварлик, инсонларнинг бунёдкорлигига ишончи.