Ta’limda innovasion texnologiyalar a. A. Karimov, «informatika va axborot texnologiyalari»

Fanining maqsad va vazifalari

Fanni o’qitishdan maqsad axborotni shakllantirish, saqlash, qayta ishlash, uzatishning asosiy prinsiplarini o’rganish. Zamonaviy informatsion fikrlash va ilmiy dunyo qarashini shakllantirish. Turli texnik bilimlarga oid masalalarni shaxsiy kompyuter yordamida hal etish va yechish usullarini o’rganishdan iborat.

Fanning vazifasi - «Informatika va axborot texnologiyalari» fanining mohiyati, uning asosiy tamoyillari, vazifalari va apparat, yangi dasturiy ta’minotlar va operatsion tizimlar imkoniyatlari, axborot texnologiyalari, tarmoq texnologiyalari, kompyuter grafikasining asosiy tushunchalari, turlari haqida tushuncha berish. Fanning dasturlash asoslari qismida dasturlash tilining tuzilmasi, funksiyalari va asosiy parametrini o’rganish, shuningdek obyektga mo’ljallangan dasturlash tillarining barcha imkoniyatlarini talabalarga o’rgatish rejalashtirilgan. Bo’lajak mutaxassislarda amaliy masalalar va informatsion modellashtirish ko’nikmalarini hosil qilishdir.


Fan bo’yicha talabalarning bilimiga, o’quviga va ko’nikmasiga talablar

«Informatika va axborot texnologiyalari» o’quv fanini o’zlashtirish jarayonida amalga oshiriladigan masalalar doirasida bakalavr:

– kompyuter va uning qurilmalari;
– tizimli blokdagi ish tamoyillari (vinchester, ma’lumotni kiritish, ma’lumotni tekshirish, ma’lumot olish);
– dasturiy ta’minot va uning tarkibi;
– dasturlash tillari va ularning klassifikatsiyasi;
– Microsoft Office dasturlar paketi va uning tarkibi;
– axborot texnologiyalari va tarmoq texnologiyalari;
– kompyuter grafik dasturlari imkoniyatlari;
– kompyuterda grafik tasvirlar yaratish haqida tasavvurga ega bo’lishi;
– matnli hujjatlar, elektron jadvallar va taqdimotlarni yaratishni;
– ma’lumotlar bazasini yaratish va uni qayta ishlashni;
– elektron pochtadan foydalanishni va qo’llashni;
– Internetdan kerakli ma’lumotni qidirishni va uni qayta ishlashni;
– ma’lumotlarni saqlash va qayta ishlash, import va eksport qilishni;
– grafik dasturlarni bilishi va ulardan foydalana olishi;
– turli xil kompyuter dasturlari va redaktorlari bilan ishlash;
– ilmiy-tadqiqot va ta’limga oid ish uchun xususiyatiga ko’ra redaktorni qo’llash;
– kurs va bitiruv loyiha ishlarini kompyuterda rasmiylashtirish va taqdimotini o’tkazish ko’nikmalariga ega bo’lishi kerak.