Таълим вазирлиги Ўзбекистон Республикаси

Назорат учун саволлар

1. 
   Корхонанинг кадрлар сиёсати нимани ифодалайди?
   
2. 
   Кадрлар сиёсатининг қайси турларини биласиз? Уларга тавсиф беринг.
   
3. 
   Кадрлар сиёсати тузишда қайси тамойиллар қўлланади. Уларга тавсиф беринг.
   
4. 
   Кадрлар сиёсатининг мавжуд турларини санаб беринг.
   
5. 
   Ташкилот ҳаётийлик даврининг турли босқичларида кадрлар сиёсатининг қайси турлари қўланиши мумкин?
   
6. 
   Иқтисодиётни ракамлаштириш ташкилот кадрлар сиёсатига таъсир қиладими?
   
7. 
   Кадрлар сиёсати ташкилотни ривожлантириш стратегияси билан қандай боғлиқ?
   
8. 
   Фирма кадрлар сиёсатининг асосий йўналишларини санаб беринг.
   
9. 
   Олтинчи технологик уклад ташкилот кадрлар сиёсатига қандай таъсир этади?
   
10. 
    Давлат корхоналари ва хусусий корхоналарда кадрлар сиёсати фарқ қиладими? Агар шундай бўлса, нимада?
    
11. 
    Очиқ кадрлар сиёсати билан ёпиқ кадрлар сиёсатининг фарқи нимада?
    

5. БОБ. ИНСОН РЕСУРСЛАРИНИ БОШҚАРИШ СТРАТЕГИЯСИДА КАДРЛАР СИЁСАТИ ВА ПЕРСОНАЛ БИЛАН ИШЛАШ МАРКЕТИНГИ

   1. 
      Инсон ресурсларини бошқариш стратегияси, ишлаб чиқиш тамойиллари ва танлов муаммолари
      

Стратегия – глобал мақсадларга эришишга йўналтирилган дастурлар ёки чора-тадбирлар ўзаро боғлиқ мажмуидир.
Стратегик бошқарув ташкилотда ташқи муҳит талабларига жавоб берадиган ва рақобатли устунликларга эришишг имкон берадиган ўз вақтидаги ўзгаришлар ва мослашувчан тартибга солишни амалга оширишга имкон беради, бу эса биргаликда ташкилотга узоқ муддатли истиқболда ўз мақсадларига эришиш имконини беради.
Стратегиянинг мақсади корхонага юқори рентабелликни ва барқарор фойда олишни таъминлайдиган узоқ муддатли рақобатли устунликларга эришишдан иборат¹⁹. Шундай қилиб, стратегия ташкилот ресурсларини тарқатиш ва мувофиқлаштириш йўли билан қўйилган мақсадларга эришиш учун зарур бўлган ҳаракатлар моделини ифодалайди.
Ташкилот стратегияси ташкилотнинг умумий миссияси, сиёсати ва умумий стратегик мақсадларга эришишга хизмат қилиши лозим бўлган рақобат тадбирлари ўртасида бевосита ўзаро боғлиқликни таъминлайди. Ушбу тушунчалар нисбати 6.1-жадвалда келтирилган.
Стратегия иккита асосий кўрсаткич – узоқ муддатли режалаштириш ва стратегия тури билан тавсифланиши мумкин.
Узоқ муддатли режалаштириш деганда кўриб чиқиладиган истиқболлар даражаси – стратегик, бошқарув ва амалий истиқболлар тушунилади.
Стратегиялар тури ташкилотнинг асосий мақсадлари – тадбиркорлик, динамик ўсиш, фойдалилик, ликвидлик ва барқарорлик мақсадларини белгилаб беради.
Мақсадлар тури ва режалаштириш чуқурлигини ҳисобга олган ҳолда корхона персонал билан ишлашнинг аниқ сценарийларини ишлаб чиқиши, ташкилотдаги вазиятни, режалаштириш даражаси ва ташкилот стратегиясини ҳисобга олган ҳолда раҳбарлик қилиш услубини танлаши лозим.
Персонални стратегик бошқариш – бу бошқарув фаолият тури бўлиб, ташкилотнинг асосий ресурси – ташкилот ва ходимлар кутаётган натижалар, жумладан, ходимларга қониқиш ҳиссини келтирадиган иш тақдим этиш воситасида ташкилотнинг стратегик мақсадларига эришиш ва унинг миссиясини амалга ошириш жараёнида ўз вақтидаги сифат ўзгаришларига тайёр бўлган рақобатбардош персоналдан фойдаланиш асосида узоқ муддатли ташкилий мақсадларга эришишга йўналтирилади.





¹⁹ Ҳарбий соҳада стратегия рақибнинг қуролли кучларини йўқ қилиш ва уни сиёсий бўйсундириш демакдир. Стратегия молиявий-хўжалик соҳасида ҳам жуда иштиёқманд. Тарихий ташжрибалар шуни кўрсатадики, маданий ассимиляция ва хўжалик экспансияси стратегик вазифаларни ҳал қилади, гарчи узоқроқ вақт
кеисмларида бўлсада, сезиларли даражада самарали ҳисобланади.