Таълим вазирлиги Ўзбекистон Республикаси

6.1-жадвал

«Миссия», «стратегия», «сиёсат» ва «фаолият йўналиши» тушунчалари ўртасидаги муносабат

Тушунча	Таъриф	Мисол
Миссия	Ташкилот мавжудлигининг сабаби, унинг асосий қадриятлари ва идеаллари	Юқори сифатли маҳсулот ва хизматлар тақдим этиш, жаҳон стандартларига риоя қилиш
Стратегия	Ташкилотнинг узоқ муддатли мақсадлари ва концептуал ёндашувлари	Персонални бошқариш стратегияси. Ишлаб чиқаришни диверсификация қилиш стратегияси. Нарх стратегияси. Сифатни бошқариш стратегияси
Сиёсат	Стратегиянинг асосий таркибий қисмларига батафсилроқ ёндашув, бизнес юритишнинг энг муҳим тамойиллари ва қоидалари	Кадрлар сиёсати. Янги лойиҳаларни молиялаштириш сиёсати. Маркетинг сиёсати
Фаолият йўналиши	Ташкилот сиёсати ва стратегиясини амалга оширишга йўналтирилган муайян қадамлар ва ҳаракатлар	Персонал танлаш ва ўқитиш дастурлари, хизматлар рекламасини ташкил қилиш

Инсон ресурсларини бошқариш стратегияси, худди персонални бошқариш стратегияси каби, ташкилотни ривожлантириш борасида танлаб олинган стратегия турини амалга ошириш учун персоналга таъсир этиш зарурий тизимини ишлаб чиқиш, баҳолаш ва таҳлил қилишга имкон берадиган, қабул қилинадиган кадрлар билан қарорлар кетма-кетлиги ва ҳаракатлар йиғиндисини ифодалайди (6.1-расм).

Персонал-стратегия персонал имкониятлари нуқтаи назаридан ташкилотнинг умумий истиқболли вазифаларини амалга ошириш мумкинлигини таҳлил қилиш тартиб-таомиллари ва усулларини тақозо этади. Бундан ташқари, у ташкилотни ҳам, унинг персоналини ҳам қониқтирадиган қарорлар қабул қилиш учун шароитлар яратади (6.2-расм).
Инсон ресурсларини бошқаришнинг стратегик мақсади – олтинчи технологик укладга тегишли юқори технологияли ишлаб чиқаришни ўзлаштиришга, меҳнат фаолияти давомида янги билимлар олиш, меҳнатидан қониқиш учун фаолият соҳасини ўзгартириш, ўз шахсиятини ҳар томонлама
ривожлантиришга қодир бўлган инновацион-йўналтирилган ижодкор ходимлар шакллантириш ҳисобланади.
Иқтисодий-ижтимоий муҳит