Таълим вазирлиги Ўзбекистон Республикаси

9.1-жадвал Инсон ресурсларини бошқариш тизими элементлари

(баҳолашнинг намоён бўлиш мақсадлари ва вазифалари)

Тизим элементи	Баҳолаш мақсади	Баҳоланадиган хислатлар	Баҳолаш усуллари
Персонални режалаштириш	Персоналга эҳтиёжни уни ривожлантириш асосида қондириш имкониятини аниқлаш (сифат ва сон жиҳатидан)	Ходимларнинг тавсифномаси (ишбилармонлик ва шахсий), уларнинг ривожланиш салоҳияти	Анкета, суҳбат, кузатув, тестлар, сўровлар, баҳолашнинг тавсифи усули, тест ўтказиш, биографик усул, таққослаш усули, таснифлаш усули, жуфт таққослаш усули, қайд қилинган тақсимлаш усули, ҳал қилувчи вазият бўйича баҳолаш усули, рейтинг хулқ-атвор усуллари, «персонал АВС-таҳлили» усули, мустақил судия усули, «360 градус» усули, ассессмент-марказ, ишбилармонлик ўйинлари, компетенция моделлари асосида баҳолаш, функционал-қиймат баҳолаш усули, меҳнат иштироки коэффициентидан фойдаланиш усули ва б.
Персонал танлаб олиш, саралаш	Ташкилот ва иш жойи талабларига максимал даражада жавоб берадиган номзодни танлаш	Номзодларнинг барча профессионал аҳамиятга молик хусусиятлари
Персонални мослаштириш	Ташкилот ва ходимни мослаштириш жараёнини тезлатиш	Коммуникатив хислатлар, мослашувчанлик ва динамика
Меҳнатни рағбатлантириш ва персонални мотивация қилиш	Ходимнинг меҳнат натижалари ва унинг меҳнат хулқ-атворидан келиб чиқиб, рағбатлантириш ёки жазолаш	Шахснинг меҳнат натижалари, унинг меҳнатга муносабати, меҳнат муносабатлари
Персонални ўқитиш ва ривожлантириш	Ташкилотнинг ривожланиш мақсадлари ва шартларига персонал хусусиятлари мувофиқлигини истиқболли таъминлаш	Ходимнинг шахсий ва ишбилармонлик хусусиятлари ҳамда уларни шакллантириш ва ривожлантириш имкониятлари
Персонал ротацияси	Персоналнинг меҳнат салоҳиятидан фойдаланишни оптималлаштириш	Ходимнинг профессионал аҳамиятга молик хусусиятлари ҳамда ҳамда уларни шакллантириш ва ривожлантириш имкониятлари
Персонални бўшатиш	Ташкилот талабларига жавоб бермайдиган ходимларни ишдан бўшатиш, шунингдек, ташкилот шартлари ва талабларига мос келадиган ходимлар ишдан бўшатилишининг олдини олиш	Ташкилотда меҳнат фаолиятидан қониққанлик шахсий ва ишбилармонлик хусусиятлари комплекси

Инсон ресурсларини баҳолаш иккита йўналиш бўйича амалга оширилиши мумкин:

1. 
   белгиланган вақт оралиғида меҳнат натижаларини баҳолаш;
   
2. 
   ходимнинг компетенциялари, унинг меҳнат хулқ-атвори самарадорлигини баҳолаш.
   

Инсон ресурсларини баҳолаш қуйидагиларни ўз ичига олади:

• 
  профессионал фаолият натижаларини назорат қилиш;
  
• 
  турли аттестация тадбирлари ўтказиш;
  
• 
  назорат ва аттестация натижаларини баҳолаш;
  
• 
  назорат ва аттестация натижаларини ходимларга етказиш.
  
• 
  баҳолаш объекти ва субъекти (9.2-жадвал) ажратиб кўрсатилади.