Таълим вазирлиги наманган муҳандислик-қурилиш институти энергетика

Разрядниклар – бу коммутация туфайли ва атмосферада хосил бўладиган электр ёйлар (чақмоқ, яшин) таъсирида электр қурилмалардаги ўта кучланишларни чеклайди. Разрядниклар электр аппаратлар ва жиҳозларнинг электр изоляциясининг мустаҳкамлигига қўйиладиган талабларни камайтиришга, электр қурилмаларни умумий ўлчамларини камайтиришга ва унинг нархини сезиларли даражада камайтиришга имкон беради.
Разрядниклар икки қисмдан: иккита электроддан ва ёй сўндириш камерасидан ташкил топган.
Электродлардан бири ҳимоя қилинаётган занжирга, иккинчиси эса ерга уланади. Бу электродлар ораси учқун оралиғи дейилади.
Тармоқдаги кучланишни номиналда маълум бир миқдорда ошиши билан учқун оралиғидаги диэлектрик мухитни тешилишига ва бу билан тармоқдаги ўтакучланишни йўқолишига олиб келади.
Разрядникларга қўйиладиган асосий талаблардан бири, Номинал кучланишда ва номинал частотада электр мустахкамликдир, яъни разрядник нормал иш ҳолатида ишлаб кетмаслиги керак.
Учқун оралиғидаги диэлектрик мухитни тешилиши билан бу муҳит орқали тармоқни ер билан қисқа туташуви содир бўлади, бу эса ҳимоя қурилмаларни ишга тушиб, тармоқни манбадан узилиб қолишига олиб келади.
Ёй сўндириш камерасининг вазифаси ушбу қисқа туташувни жуда қисқа вақтда, ҳимоя қурилмалари ишга тушгунга қадар бартараф этишдир.
Разрядникларнинг қуйидаги турларга мавжуд:

• 
  ҳаволи (трубкали) разрядник;
  
• 
  газли разрядник;
  
• 
  вентилли разрядник;
  
• 
  магнитовентилли разрядник;
  
• 
  мултикамерали разрядник.
  

3.4-Мавзу. Ўлчаш трансформаторлари

Юқори кучланишли электр аппаратлар (ЮКЭА)ни тўртта гуруҳга ажратиш мумкин, яъни коммутация аппаратлари, чекловчи аппаратлар, ўлчаш аппаратлари ва комплект тарқатиш қурилмаси(комплектные распределительные устройства).