Тактиканинг фан сифатида вазифалари

Dala sharoitida suv bilan ta’minlash vazifalari.

Dala sharoitida qo‘shinlarni ichimlik suvi bilan ta’minlash muhandislik ta’minotining asosiy vazifalaridan biri hisoblanadi.

Dala sharoitida suv bilan ta’minlash vazifalariga quyidagilar kiradi:

- suv manbalarini razvedka qilish;

- suvni izlab topish, qazib chiqarish, tozalash va suv ta’minoti punktlarini jihozlash;

- suvni tashish (transportirovka qilish);

- suv yig‘iladigan punktlarni qurish;

- istemolchilarga tarqatish, saqlash va uning sifatini nazorat qilish.

Qo‘shinlarni suv bilan ta’minlashni shtatdagi suv ta’minlash bo‘linmalari, brigada muxandis mutaxasislari va yuqori ta’minlovchilar tashkillashtiradi va jihozlaydi. Suv bilan dala sharoitida ta’minlash punktlarini batalonlarda (divizionlarda) ishlatiladigan tabel vositalari bilan jihozlanadi. Suv ta’minoti punktlari har bir batalonda tuzilib, qoidaga ko‘ra BOOP joylashgan tumanlarga yaqinroq joylarda jihozlanadi. Mudofaada ularni vzvodlarda joylashtirish maqsadga muvofiqdir. Suvning sifatiga qarab, dala suv ta’minotida suv ishlatilishiga ko‘ra ichimlik va texnik suvlariga bo‘linadi. Xo‘jalik ichimlik suvini ichish, oziq-ovqatlarni tozalashda birinchi ishlov berish uchun (yuvish), ovqat tayyorlashda, non pishirishda, yuvishda, idish-tovoq va oshxona anjomlarini yuvishda, tibbiy ehtiyojlarida ishlatiladi.

Qo‘shinlar xo‘jalik-ichimlik ehtiyojlari uchun suv bilan suv ta’minlash va suv tarqatish punktlaridan ta’minlanadi. Sanitar-ehtiyojlar uchun suv shaxsiy tarkibni yuvintirish va kiyimlarini yuvish uchun ishlatiladi. Texnik ehtiyojlar uchun suv, degazasiya, dezaktivasiya va dezinfeksiya aralashmalarini tayyorlashda, texnika va qurol-yarog‘larni yuvishda, dvigatellarning sovutish tizimlariga solishda ishlatiladi.