Tadqiqot obyyekti: Gidrodinamik qonunlar, Suyuqlik oqim tezligi, haraket vaqtidagi bosim, qovushqoqlik, suyuqlik quvurlari, batartib harakat, betartib harakatlar. Tadqiqot predmeti

Qaytariluvchanlik. Bu xossa tenglamaning t ^ -t akslantirishga nisbatan invariantligini bildiradi. Bu xossaning bajarilishi to‘lqin tarqalishi va konveksiya jarayonlari hisobida muhim, diffuziya va ximik kinetikada esa ahamiyatga ega emas. Hisoblash ma’nosida bu tⁿ vaqt momentida hisobni to‘xtatib, vaqt qadamini manfiy qilib tanlab, yana boshlang‘ich t⁰ vaqt momentiga qaytib kelish xossasini bildiradi. Bu jarayonni amaliyotda tiklash juda ham og‘ir, chunki bunga tenglamadagi nochiziqli hadlarning mavjudligi, to‘rlarning qo‘zg‘aluvchanligi va boshqa murakkab effektlar yo‘l qo‘ymaydi.
Konservativlik. Chiziqli xususiy hosilali differensial tenglamalar uchun anq ayirmali usuldan foydalanish mumkin, ammo nochiziqli had paydo b o‘lganda uning ayirmali differensialini yozishning ko‘plab usullaridan foydalanish mumkin. Xususiy hosilali tenglamalar bilan ifodalanuvchi ko‘plab fizik jarayonlar saqlanish qonunidan kelib chiqadi va ular konservativ deb ataladi: du/dt + Af = 0. Bunday masalalarni yechishni ijobiy hal qilish uchun ularga mos ayirmali tenglamalar ham konservativ bo‘lishi maqsadga muvofiq. Boshacha qilib aytganda, biz shunday ayirmali tenglamalarni tuzishimiz kerakki, bunda ular, masalan, tizimning energiyasi, massasi, impulssi, magnit maydonini chekli ayirmali to‘rlardagi xatolikdan bog‘liq bo‘lmagan holda saqlasin.
Transportivlik. Suyuqlik oqimini tavsiflovchi differensial tenglamaning chekli ayirmali analogi transportivlik xossasiga ega deyiladi, agar biror funksiyaga qo‘yilgan qo‘zg‘alishlar konveksiya hisobiga faqat tezlik yo‘nalishida ko‘chirilsa. Ko‘pgina sxemalar bunday xossaga ega emas. Konvektiv hadni ifodalash uchun tuzilgan barcha sxemalarda fazoviy koordinatalar uchun markaziy ayirmalar qo‘llaniladi va ular bunday xossaga ega bo‘lmaydi. Jarayon, masalan, «konveksiya hisobiga ko‘chiriladi» deb aytiladi, ammo uyurmaning fizik qo‘zg‘alishlari diffuziya hisobiga barcha yo‘nalishlarda tarqaladi, transportivlik xossasi yuzaga kelishi uchun esa bu qo‘zg‘alishlar faqat tezlik yo‘nalishida ko‘chirilishi lozim.