Тадбирлар номи

2.Ташқи савдо муносабатлари.
Фарғона вилояти бу даврда Россия, Қошғар ва бошқа қўшни вилоятлар билан савдо муносабаларини ривожлантирган. Масалан, 1883 йилда Фарғона вилоятнинг савдо обороти олиб келинган моллар ҳисобига 6345039 сўмни, олиб кетилган моллар ҳисобига эса 6066558 сўмни ташкил этган.
ХХ аср бошларига келиб, вилоят шаҳарлари ва уездлари ижтимоий-иқтисодий жиҳатдан тез ривожланиб борди. Бу эса Қўқон, Марғилон, Андижон темир йўл станцияларини товар келтириш ва олиб кетиш ҳамда савдо обороти жиҳатидан катта аҳамиятга эга қилиб қўйди. Чунончи, 1909 йилда Андижонга 6786609 пудлик товар келтирилган, Андижондан эса 4304562 сўмлик товар олиб кетилган.
Пахтачиликнинг ривожланиши оқибатида Андижон темир йўл станцияси турли томонларга пахта жўнатишда ҳам бошқа станцияларга нисбатан олдинда бўлган.
Масалан, 1911 йилда 2505000 пуд пахта жўнатилган. Улар асосан Шимолий (698500 пуд). Москва-Қозон (563000 пуд), Москва-Нижнегород (292000 пуд) ҳамда Лодз темир йўл линиясига (131000 пуд) жўнатилган.
Бу даврда вилоятдан жуда кўплаб пахта ёғи, кунжара ва чигит ҳам олиб кетилган. Чигит кўпроқ Кавказга ва чет элларга жўнатилган.
Бу даврда Москва, Нижний Новгород, Самара ва Одесса шаҳарлари пахта ёғи сотадиган йирик савдо марказлари ҳисобланарди. Фарғона водийси шаҳарлари, жумладан, Андижон шаҳри юқоридаги шаҳарларга пахта ёғи етказиб бера бошлади. Масалан, фақат Андижон шаҳрининг ўзидан 1905 йилда темир йўл орқали 204038 пуд, 1906 йил-5334 пуд, 1907 йил 10300 пуд, 1908 йил-1361636 пуд, 1914 йилга келиб эса 2 миллион пуд пахта ёғи жўнатилган.
Пилла экспорти ҳам катта бўлган. 1910 йил вилоятда 3000000 сўмлик пилла олинган бўлиб, бундан чорак қисми вилоятнинг ўзида ишлаш учун қолдирилган, бир қисми Бухорога юборилган, яна бир қисми Италия (Милан)га, чорак қисми Франция (Марселp)га юборилган.
Фарғона вилотиядан, бу дврда Россияга қуруқ ва хўл мевалар ҳам чиқарилган. Лекин уларнинг миқдори ҳақида тўлиқ маълумотлар мавжуд эмас. 1911 йилда Ўрта Осиё темир йўли орқали қуруқ ва хўл мевалар жами 2178000 пуд юборилган. Шу жумладан, Қўқондан 26 минг пуд, Андижондан 8 минг пуд ва Горчаковдан 9 минг пуд жўнатилган. Яна Андижондан 12 минг пуд ёнғоқлар жўнатилган. Андижондан асал ҳам чиқарилган.