Тадбиркорлик ҳуқуқи (махсус қисм)

Хорижий сармоялар (инвестиция) бўйича àгентлик. Вазирлар Маҳкамаси қошидаги инвестицияга ёрдам бериш хизмати ва давлат мулк қўмитаси қошидаги кўчмас мулклар ва хорижий сармоялар бўйича миллий Агентлик базасида ташкил этилган нодавлат ташкилоти бўлиб, Республика иқтисодиётига хорижий сармояларни жалб этишни ривожлантиришга ёрдам бериш, Ўзбекистонда сармоя таклифларини ишлаб чиқариш ва амалга оширишда потенциал сармоядорлар ва маҳаллий шерикларга амалий ёрдам кўрсатиш мақсадида ташкил этилган.
Агентликнинг асосий вазифалари бўлиб:
-хорижий сармояларни жалб қилишнинг меъёрий ҳуқуқи базаси соҳасида таклифлар ишлаб чиқаришда иштирок этиш;
-Ўзбекистон Республикасининг сармоявий фаолияти ва сиёсати масалалари бўйича ахборот реклама нашрини тайёрлаш ва уларни халқаро тадбиркорлар доирасига тарқатиш;
-ишбилармонлик алоқаларини кенгайтириш, хорижий тажрибани тарқатиш ва чет эл сармояларини жалб қилиш бўйича семинарлар, конференция ва бошқа тадбирларни тайёрлаш ва ўтказиш;
-хорижий ва маҳаллий тадбиркорлар иштирокидаги «айлана столлар» ташкилоти орқали ишбилармон шериклик институтини ташкил этишда кўмаклашиш,
Деҳқон ва фермер хўжаликлари уюшмалари шахсий ёрдамчи ва деҳқон хўжаликлари Ассоциациялари ўрнига фермер ва деҳқон хўжаликлари ташкилий фаолиятини яхшилаш мақсадида ташкил этилган бўлиб, бир вақтнинг ўзида шахсий ёрдамчи ва деҳқон хўжаликларини қўллаб-қувватлаш Фонди деҳқон ва фермер хўжаликларини қўллаб-қувватлаш фонди деб номланадиган бўлди. Деҳқон ва фермер хўжаликлари уюшмаси шартнома асосида ўз аъзолари сифатида деҳқон ва фермер хўжаликларини бирлаштиради ва юридик шахс ҳуқуқига эга мустақил шахс нодавлат ташкилоти ҳисобланади.
Уюшманинг асосий вазифалари бўлиб: деҳқон ва фермер хўжаликларига ўзлари ишлаб чиқарган маҳсулотни ички ва ташқи бозорда сотишга кўмаклашиш, деҳқон ва фермер хўжаликларига кредит олиш (хорижий кредит олиш ҳам) ва ишлатишда маслаҳат ва услубий ёрдам бериш; шахсий деҳқон ва фермер хўжаликларига юридик, ахборот, маркетинглик ва бошқа хизмат кўрсатиш ҳисобланади.
Уюшманинг Ўзбекистон қишлоқ хўжалиги илмий-ишлаб чиқариш маркази, Қишлоқ ва сув хўжалиги вазирлиги, Адлия вазирлиги, Молия вазирлиги, Тижорат банклари билан биргаликда деҳқон ва фермер хўжаликлари раҳбарларини бозор иқтисодиёти тамойиллари, ҳуқуқий меъёрлар ва қишлоқ хўжалиги ишлаб чиқаришини мустақил юритиш услублари тўғрисида ўқитишни ташкил этади.
Шунингдек, уюшмага деҳқон ва фермер хўжаликлари ўртасида ташкилий ишларни ўтказиш ва қишлоқ хўжалик техникаларига биргаликда эгалик қилиш ва фойдаланиш, улар томонидан етиштирилган қишлоқ хўжалиги маҳсулотларини тайёрлаш, қайта ишлаш, сақлаш, сотиш ва экспорт қилиш моддий-техникавий таъминлаш,омухта ем ишлаб чиқариш бўйича уларга кўнгилли асосда махсуслаштирилган кооперативлар ташкил этишда зарурий ёрдам бериш топширилган.