Табиий шифо воситалари 3-китоб тошкент

Қуйида седананинг шифобахш хусусиятларидан фойдаланиш 
усулларидан баъзи бирлари келтирилади: 
 Седана уруғидан дамлама тайёрлаш учун оғзи ёпиладиган эмал 
кастрюлкага бир стакан қайнаб турган сув қуйилади ва устига седана 
уруғидан 1 чой қошиқ солинади. Сўнгра идишнинг усти ёпилиб, 1-1,5 
соат дамлаб қўйилади. Ундан сўнг, дамламани 2 қават тоза докада 
сузиб олиниб, кунига 3 маҳалдан овқатдан 20-30 дақиқа олдин бир ош 
қошиқдан ичилади. Седана уруғи дамламаси томоқ ва тиш оғриганда, 
гижжаларни ҳайдашда, уйқусизлик, меъда-ичак ва шамоллаш 
хасталикларида қўлланилади.
 Седанани тумовда чўғга сепиб тутатилса, унинг тутунидан барча 
вируслар қирилади. Агар унга сирка қўшиб яралар ва қўтирларга, сўгал 
ва холларга суртилса, фойда беради. Седанани кечаси сиркада ивитиб, 
бурунга озгинаси тиқиб ётилса, бош оғриғи қолади. 
 Седанани асал билан ейилса, буйрак тошини туширади. Иситма 
чиққанда 1 чой қошиқдан капаланса, фойда қилади. Уни ичиб турилса, 
организмдаги ингичка ва қовоқ уруғига ўхшаш қуртларни ўлдиради. 
 Седана уруғини қовуриб, зайтун ёғига аралаштирилиб, тумов бўлганда 
бурунга томизилса, яхши фойда беради.
 Седана уруғидан олинган ёғ инсонни ёшартириш хусусиятига эгадир. 
Седананинг уруғини куйдириб, ёғ ёки хинага қўшиб, бошга суртилса, 
сочнинг тўкилишини тўхтатишга ёрдам беради. 
 Бавосирни даволаш учун седана уруғидан кунига 2-3 маҳал 0,5-1,0 
граммдан истеъмол қилиш тавсия этилади. 

---

Аюпов Равшан Хамдамович 
112 
 Седана уруғини туйиб, гул ёғига аралаштириб, бадандаги экзема 
тошган жойларга суртилса, унинг тузалишини тезлаштиради.
 Седана уруғини аччиқ тарвуз (ханзал) сувига аралаштириб, киндик 
атрофига суртилса, қоринда бўладиган ошқовоқ уруғига ўхшаш 
қуртларни туширишга ёрдам беради.