Табиий шифо воситалари 3-китоб тошкент

Нокнинг шифобахшлиги 
Нок (Груша обыкновенная) барглари юмалоқ ёки тухумсимон бўлиб, 
оппоқ гуллайдиган, бўйи 10-40 метргача борадиган кўп йиллик дарахтдир. 
Нок мевалари озуқа ва доривор моддаларга анча бой. Мамлакатимизда 
нокнинг 200 дан ортиқроқ нави бор. Нокда 0,4% оқсил, 9% гача қанд, 2,9% 
полисахаридлар, 0,5% органик кислоталар, 0,16% гача ошловчи ва бўёқ 
моддалар, 0,25% гача арбутин, 0,03%-0,07% гача хлорогенат кислота бор. 
Нок меваларида бирмунча миқдорда Е, С, Р, В
6
витаминлари, каротин, 
шунингдек калий, кальций, кремний, магний, натрий, олтингугурт, хлор, 
фосфор, темир, йод, кобальт ва бошқа турли элементлар, хушбўй моддалар, 
ферментлар ва фитонцидлар бор.
Халқ табобатида янги нок меваси ва шарбати, шунингдек қоқисидан 
тайёрланган қайнатмалар сийдик ҳайдайдиган, иссиқни туширадиган ва 
йўталга қарши восита сифатида қўлланилади. Улар ҳазм йўли ишини 
тартибга солиш ва ичкетарга қарши восита тариқасида ҳам тавсия этилади. 
Нок баъзан ич оғриб қолишига сабаб бўлади, шунинг учун нок ейилганидан 
кейин устидан асал қўшилган чой ичиш тавсия этилади. Нок юрак 
ўйнайдиган маҳалларда, қовуқ касалликларида фойдали, овқат ҳазмини 
яхшилаб, кишининг руҳиятини кўтаради. Қўзиқориндан заҳарланганда нок 
яхши ёрдам беради. Нок баргларидан тайёрланган дамлама ва қайнатмалар 
бўйида бўлишдан сақланиш учун ишлатилади. Хиндистон табобатида нок 
мевалари иссиқни пасайтирадиган, тинчлантирадиган восита тариқасида 
қўлланилади. Нок шарбати ҳамда винода тайёрланган экстрактидан ҳавфли 
ўсмаларга қарши, қайнатмаси ва шарбатидан эса ичбуруғ, нефрит 
касалликларига даво қилиш учун фойдаланилади.

---

Аюпов Равшан Хамдамович 
108 
Замонавий табобатда нок мевалари қайнатмаси сийдик-тош 
касалликларида сийдик ҳайдовчи восита тариқасида ишлатилади. Нокда 
калий кўп бўлгани учун нок ейиш сийдикда кислоталар камайишига олиб 
келади, натижада сийдик кислота тузларининг эрувчанлиги кучайиб, буйрак 
тошлари пайдо бўлишининг олди олинади. Иситма, йўтал, ич кетарларда нок 
қоқиси қайнатмасини ичиш тавсия этилади. Нок меваларида бўладиган 
пектин моддаси ўт ҳайдаш таъсирига эга бўлиб, ичак юришувини яхшилаши 
аниқланган.