Табиий шифо воситалари 3-китоб тошкент

Турпдан дориворлар тайёрлашга мисоллар:

Каттагина турп этидан ўйиб олинадида, ўрнига асал ёки шакар солиб, 
4-5 соат иссиқ жойга қўйилади (масалан, духовкага) ва чиққан сувини 
бошқа идишга қуйиб олиб, 1 ош қошиқдан кунига 3-4 маҳал ичилади. 

Турп сувига 2-3 ҳисса қайнаган сув қўшиб, кечаси ётишдан олдин ярим 
стакандан ичилади. 

Баъзи тери касалликларида турп сувини пахтага шимдириб, баданга 
қўйилади.
Карамнинг фойдалилиги 
Карам (Капуста белокочанная) икки йиллик ўтсимон ўсимлик, 
сабзавот. Илдизи – ўқ илдиз, пояси – биринчи йили калта, иккинчи йили тик 
ўсадиган, цилиндрсимон ва узун бўлади. Карам барглари биринчи йили жуда 
йирик барг куртак – карам боши ҳосил қилади. Карам бошининг ичида 
калтагина йўғон пояси – ўзаги бўлади. Унинг юқори қисмида барглар бир-
бирига жуда зич тақалиб жойлашган. Ташқи барглар йирик-йирик, тўқ яшил 
рангда, ичкаридагилар эса оч рангда бўлади. Гуллари оқ ёки сариқ, кўп гулли 
шингил ҳосил қиладилар. Карам май-июнь ойида гуллайди ва мевалари 
июнь-июлда етилади. 
Карам баргларида 0,2% гача ёғлар, 2% гача қанд моддалари, талайгина 
минерал моддалар, ферментлар, гликозид, клетчатка, 16 тага яқин эркин 
аминокислоталар, С, Р, В
1
, В
2
, В
6
, К ва бошқа витаминлар мавжуд. Карам 
суви ўстирувчи гормонал моддалар ва ферментларга бой, унда меъда ярасига 
даво бўладиган модда (витамин U) ҳам бор.
Карамнинг дориворлик таъсири ва ишлатилиши: 
Халқ табобатида карамдан меъда, жигар, буйрак касалликлари ва 
подаграга даво қилиш учун фойдаланилади. Янги карам барглари баданнинг 
кесилган, яра бўлган, лат еган жойларига, маститда эса кўкракка қўйилади. 
Сариқ касаллиги, талоқ касалликлари, гастритлар ва меъда яра касаллиги, 

---

Аюпов Равшан Хамдамович 
124 
ўпка сили, юқори нафас йўлларининг яллиғланиш касалликларида янги 
карам суви буюрилади. Карам илдизлари ва ўзаги ўсмаларга даво бўлади деб 
ҳисобланади. Ибн Сино фикрига кўра, карам пояларининг кули яра-
чақаларни жуда қуритиб, оғриқни қолдиради. Карам суви эски яраларнинг 
битишини тезлаштиради. Карам қайнатмаси ва уруғлари қасмоқни туширади, 
пешобни эса кучайтиради. Бўғим оғриқлари, подаграда карам уруғларининг 
қайнатмаси дурустгина наф беради ва бу қайнатма сийдик ҳайдайдиган 
восита сифатида ҳам ишлатилади.
Замонавий табобатда карам суви меъда ярасининг олдини олиши ва 
унинг битиб кетишига ёрдам бериши исботланган. Карам суви таркибида 
бўладиган U витамини гижжаларга, склерозга қарши, фибринолитик 
хоссаларга эгадир, у бўйида бўлишдан ҳам сақлай олади ҳамда бактериялар 
ва замбуруғларга қарши таъсир кўрсатади. Меъданинг яра касаллиги, 
атеросклерозга, жигар касалликлари, гуш (экзема), псориаз, нейродермит, 
қандли диабет, юрак, буйрак касалликлари ва бошқаларга даво қилиш учун 
карам суви буюрилади.