Tabiatni seving va asrang

Birinchi hikoya
Qadimdan ota-bobolarimiz tog‘dan erib tushgan qor-yomg‘ir suvlarini nishab orqali olib kelib gumbazsimon qilib qurilgan maxsus sardobalarda to‘plab, ilk bahorgacha foydalanishgan. Suvning tozaligini va musaffoligini himoya qilish uchun esa o‘zlarining qimmatbaho tilla,brilliant buyumlari hamda taqinchoqlarini o‘sha suvga solib qo‘yganlar. Demak, ular suvning bahosini, qadrini oltindan ham baland tutganlar.
Ikkinchi hikoya
Uzoq yillar ilgari bobokalonimiz Ahmad Farg‘oniy suv sathini o‘lchovchi nilometr asbobini kashf qilgan hamda uni Nil daryo­sida tekshirib ko‘rgan. Qiziq, o‘sha paytlarda suvning sathini o‘lchash zarurati nimadan kelib chiqqan bo‘lishi mumkin? Bu ishdan maqsad - suvning miqdorini sathiga qarab o‘lchash hamda uni sug‘oriladigan maydonlarga va adolatli taqsimlash bo‘lgan. Demak, ajdodlarimiz qadimda ham suvni huda-behudaga sarflamaslik haqida choralari to‘risida bosh qotirganini bilishimiz mumkin. 

Sug‘orish tizimi takomillashsa... - Suv tabiat tirikligini ta’minlaydigan asosdir. Agar suv bo‘lmasa hayot ham bo‘lmaydi.Shuning uchun ham hamma insonlar bir bo‘lib suvni asrashimiz,uni behuda sarf qilmasligimiz zarur. Ayniqsa, Farg‘ona vioyati sharoitida suvning qadri juda yuksakdir, - deydi Baxshullo Temirov. - Shuningdek, mamlakatimizga qarab oqayotgan daryolarimiz Afg‘oniston, Turkmaniston hamda Tojikiston, Qirg‘izistondan o‘tib bizga yetib keladi. Oxirgi paytlarda hattoki, daryolarning o‘zida ham suv zahiralari, keskin pasayib bormoqdadir. Bizning asosiy vazifamiz, birinchi o‘rinda, sug‘orish mexanizmini rivojlantirish va takomillashtirish, suv resurslardan samarali va tejamkorlik bilan foydalanish, mavjud bo‘lgan gedrotexnik inoshootlardagi kamchiliklarni hal etishdir. Bu esa, o‘z-o‘zidan ma’lumki, sug‘orish inshootlarining eksplutatsiyasi mobaynida xarajatlarni pasaytirishga va suv tejamkorligiga olib keladi.
Bugunlik kunda sug‘orish hamda ichimlik suvdan foydalanishdagi muammolarni faqat mutaxassislargina emas, balki butun xalqimiz his qilib turibdi. Natijada, Qoraqalpog‘iston va Buxarodagi suv bilan bog‘liq masalalar bugunga kelib farg‘ona viloyatida ham oshordan-oshkor sezilmoqda. Ichimlik suvining tarkibini tuz va boshqa zaharli moddalardan tozalab ishlatish mumkin. Ammo, buning uchun juda qimmat va murakkab texnologiyalarni samarali ishlatish lozimligini taqozo etmoqda.
Viloyatda “Qishloq taraqqiyoti va farovonligi yili” Davlat dasturi doirasida 87 ta qishloqqa 189,3 kilometrlik suv quvuri o‘rnatilib, toza va musaffo ichimlik suv keltirildi. Buning uchun byudjetdan 7 milliard 866 million so‘mlik ajratildi va shu yo‘lda sarflandi.
- Avvallari, ichimlik suvi muammosidan qiynalib kelardik, - deydi Olot tumanidagi Jiydazor qishlog‘ida yashovchi Rustam Safarov quvonchini yashirolmay. - Davlatimiz tomonidan ko‘rsatilayotgan e’tibor sababli qishlog‘imizga 7 kilometrlik quvur qazildi va o‘rnatildi. Mana endi uzoq-uzoqlardan har xil otlarda va ulovlarda suv tashish muammosidan butunlay qutuldik. Shuningdek, qishloqdoshlarimizga ulkan mablag‘ evaziga keltirilgan suvni behuda isrof qilmanglar, foydalanilgan va ishlatilgan suv mablag‘ini aytilgan yoki ogohlantirilan vaqtida to‘ langlar, deb uqtirayapmiz. Bugunlik kunda asosiy muommolardan biri bu toza ichimlik suvidir. Bizning va o‘lkamizda suvdan qanday va qay maqsadda foydalanish nafaqat yoshlarga balki katta yoshdagi nuroniylarga ham uqtirilmoqda.Mamlakatimizda toza suvnu asrash to‘g‘risida bir qator choralar ko‘rib chiqilmoqda.Shular jumlasidan, yaqinda Namangan viloyatida o‘tkazilgan yoshlar majlisida ham shu muammoga alohida to‘xtalib o‘tildi.Yoshlarga suvdan foydalanish to‘g‘risida maslahatlar berib borildi.Ayniqsa, britaniyadan kelgan olimlar yoshlarga suv borasida takliflar kiritdi va ular bilan o‘rtoqlashdi.