T. Q. Ortiqov, O. M. Nazarov Analitik laborant va fizik-kimyoviy tekshirish usullari

10-Машғулот.
Хроматография услублар
(2соат)
Ишнинг мақсади: Агрокимё лабораториясида ишлатиладиган хроматографик услуб билан танишиш.
Керакли жиҳоз:Тарқатма материаллар, хроматографик асбоб
Адабиётлар:
1. И.Н.Ниёзалиев ва бошқалар. «Агрокимёдан амалий машғулотлар». Тошкент, 1989
2. Б.А.Ягодин и др. «Практикум по агрохимии». Москва. Агропромиздат, 1987
3. А.С.Радов, И.В.Пустовой. «Практикум по агрохимии». Москва, 1971
4. П.И.Воскресенский«Техника лабораторных работ». Москва, Химия, 1967
5. Г.Г.Русин. «Физико-химические методы анализа в агрохимии». Москва. Агропромиздат, 1990
6. Н.Г.Зарын, Д.С.Орлов. «Физико-химические методы исследования почв». Москва.МГУ,1964
7. «Методы агрохимических анализов почв средней Азии». Тошкент, 1973
8. К.Розиқов, Э.Ўринов, М.Қодирхонов «Моддалар таҳлили ва тадқикотнинг физик-кимёвий усуллари» Тошкент, Ўзбекистон миллий энциклопедияси, 2003

М.С.Цвет 1903 йил биринчи марта хроматографиянинг мохиятини баён этди (грекчадан “хромо”-ранг, “графо” - ёзаман) ва яшил ўсимликлар пигментларини ажратиш усулини яратди. Хроматографик анализ учун жуда кичик микдордаги модда керак бўлади, яъни миллиграммнинг ундан бири, ҳатто микрограмм ва унинг улушлари ҳам етарли бўлади. Хроматографиянинг авзаллиги шундан иборатки моддаларни ажратиб олишнинг бошқа услубларидаги каби модда кимёвий ўзгаришларга учратилмайди. Хроматографик услуб мураккаб аралашмани ажратиш ва анализ қилиш, керакмас қўшимчалардан моддаларни тозалаш, концентрлаш ва идентификация қилиш имконини беради. моддаларни хроматографик ажратиш аралашма компонентларининг ҳир хилда абсорбацияланиши ҳисобига, бир бири билан аралашиб кетмайдиган иккита суюқ фаза ўртасида аралашма компонетларининг хир хилда тақсимланиш ва хосил бўладиган чўкмаларнинг ҳар хил эрувчанлиги ҳисобига амалга ошади. Хроматографиянинг тўртта тури фарқланади: адсорбцион, ионалмашувчан, тақсимланиш, чўкмали.

Абсорбцион хроматография бу ёки у сорбентда компонентларнинг ҳар хилда адсорбцияланиш қобилятига (ўзига хос адсорбцияланишга) асосланган. Колонкада моддаларнинг адсорбция ва десорбцияланиши молекулалалараро кучлар таъсири остида рўй беради. ион алмашувчан хроматография алмашувчан адсорбцияга асосланган, яъни хроматографияланадиган эритмада мавжуд бўлган ионлар ионалмашувчан сарбент таркибидаги ҳаракатчан ионларга эквивалент миқдорда алмашинади. Хроматографияланадиган эритмадаги ионларнинг алмашиниш қобилиятининг турличалиги натижасида хроматограммалар ҳосил бўлади. Ион алмашувчан реакциялар қайтар. Тақсимланиш хроматографияси иккита бир-бири билан аралашиб кетмайдиган эритувчи ўртасида эриган моддаларнинг турлича тақсимланишига асосланган. Демак, тақсимланиш хроматографиясида иккита бир-бири билан аралашмайдиган суюқликлар – ҳаракатчан ва ҳаракатсиз эритувчилар ўртасида хроматографияланадиган модданинг тақсимланиш коэффициентларини фарқ қилиши ишлатилади. Тақсимланиш коэффициентларидаги фарк аралашма компонентларининг ҳаракатланиш тезлиги бир хил бўлмаслигини келтириб чиқаради. Шунинг учун охир оқибатда аралашма компонентларининг алохида зоналаридан таркиб топган хроматограмма ҳосил бўлади. Чўкмали хроматография кам эрийдиган бирикмаларни кетма-кет чўктириш принципига асосланган. Колонка орқали анализ қилинаётган эритма ўтказилганда чўкмали хроматограмма ҳосил бўлади. Бунда ҳосил бўлган чўкмаларнинг фазода жойлашиши уларнинг эрувчанлигига боғлиқ бўлади. Колонканинг тепасидан пастки қисмига қараб чўкмалар эрувчанлигини ортиши тартибида жойлашиб боради.