T. Q. Ortiqov, O. M. Nazarov Analitik laborant va fizik-kimyoviy tekshirish usullari

Ишлаш тартиби. Кюветани олиб, приборнинг олдидан ёруғлик манбаси жойлаштирилади ва окулярни шундай ўрнатиш керакки, бунда кўриш майдонининг ажратиш чизиғи (линияси) равшан кўринсин, кейин анализатор нолли ҳолатига олиб келинади. Бунда кўриш майдонининг иккала ярими ҳам бир хил қаронғилашишга эга бўлиши керак.
Анализаторнинг бундай ҳолатида айлана бўйича ҳисоб олиш, анализаторни тутқич 5 билан озроқ ёнбошга буриш керак, кейин яна уни нолли ҳолатига олиб келиш керак ва кругдан янги ҳисоб олинади. Бу операцияни бир неча марта қайтариш керак ва ундан кейин анализаторнинг кругдаги ўртача нолли ҳолати топилади.
Кейин кювета камерасига текширилаётган эритма бор кювета жойлаштирилади ва анализаторни бура туриб, кўриш майдонининг иккала яримини ҳам яна бир хил ранглигига эришилади. Бу операцияни ҳам анализаторни ёнбошга олиб ва уни яна тенглик (бир ранглик) ҳолатига келтириб бир неча марта такрорлаш керак.
Ҳисобларнинг ўртача қийматини олиб, иккинчи ва биринчи (агар у нолга тенг бўлмаган бўлса) (бўш, эритмасиз ва кюветасиз)операцияларнинг (ўлчашларнинг) натижаларини фарқи бўйича қутубланган ёруғлик текислигининг модда билан оғиш бурчаги топилади. Оғиш бурчагини била туриб масса процентида ифодаланган эритмадаги модданинг концентрацияси топилади.
Мисол учун, кювета узунлиги 2 дм бўлганда глюкоза эритмаси айланиш бурчаги 9,2⁰ тенглигини кўрсатади. Жадвал бўйича глюкозанинг солиштирма айланиш бурчаги 20⁰С ҳароратда 52⁰ га тенглиги топилади. Юқорида келтирилган формула бўйича глюкозанинг концентрацияси 8,84% га тенглиги топилади.
Автоматик поляриметрлар оз миқдордаги кучли суюнтирилган ва концентрлашган шакар эритмаларининг, органик кислоталар, оқсиллар, ёғлар ва боша оптик актив моддаларнинг концентрациясини юқори аниқликда топишга имкон беради.
Назорат саволлари:

1. 
   Оптик услубларга кайси усуллар киради.
   
2. 
   Поляриметрик асбобларнинг ишлаш принципини гапириб беринг.