Т а в с и я н о м а фарғона – 2020

Помидор занг канаси- Aculops licopersici Massee.
Бу зараркунанда ўсимликнинг ўсув даврида вегетатив ва ҳосил берувчи генератив аъзоларини барча қисмини зарарлайди. Зарарланиш оқибатида
Помидор занг канаси ва унинг зарари

помидор баргларининг орқа қисми кумушсимон ялтироқ рангга кириб, кейинчалик бу барглар яшиллигини йўқотиши натижасида қуриб тўкилади. Ўсимликнинг поя ва новдаларида эса нотекис шаклли қўнғир рангли доғлар пайдо бўлади, меваларининг усти ёрилиб, тўр ҳосил қилади.

Гуллаш вақтида зарарланган ўсимлик 80-85 % гача ҳосил йўқотади. Кананинг ташқи кўриниши чувалчангсимон шаклда, узунлиги 140-200 микрон, кичик ёшдагилари ялтироқ – сариқ, катта ёшдагилари эса, қизғиш қўнғир рангда бўлади. Майда микроскопик ўлчамда бўлганлиги учун занг кана ўсимликка тушган вақтни билиш ва уни илғаш қийин. Каналар 20 марта катталаштирилгандагина яхши кўринади.
Шунинг учун бу зараркунанданинг пайдо бўлгани у ўсимликни анчагина зарарлангандан кейингина билинади. Иссиқхоналарда эса қулай шароит мавжуд бўлганлиги сабабли бу жойларда занг канаси йил давомида кучли зарар келтиради. Очиқ далаларда экилган помидор ва бақлажонда занг канаси май ойидан бошлаб пайдо бўла бошлайди, август ойини 3-декадасигача узлуксиз ривожланиб сезиларли даражада зарар келтиради.
Битта авлодининг ривожланиши 7 кунгача давом этади. Бир йилда 15-25 та авлод бериши мумкин.
Кураш чоралари. Агротехник кураш: Алмашлаб экиш, қатор ораларига ишлов бериш.
Биологик кураш: Сабзавотлардаги зангканасига қарши биологик кураш учун олтинкўзни 3-4 кунлик тухумини зараркунанда сонига қараб 1:10, 1:5 нисбатларда чиқариш.
Кимёвий усул:Занг канасининг миқдори кўп бўлганда қуйидаги препаратлардан бирини қўллаш тавсия этилади: Омайт 57% к.эм.-1,5 л/га; Ниссоран 10% н.кук. – 0,1 кг/га; Флумайт 20% сус.к.- 0,2 л/га; Ортус 5% сус.к. – 0,75 л/га; Вертимек 1,8% эм.к. – 0,3-0,4 л/га қўллаш зарур.


Кемирувчи зараркунандалар.