Т а в с и я н о м а фарғона – 2020

Ўргимчаккана - Tetranychus urticae Koch.
Иссиқхоналарда зарар келтирадиган ўргимчаккана полифаг ҳисобланиб, у 248 дан ортиқ ўсимликларни зарарлайди.Бу зараркунанда билан зарарланган ўсимлик қаттиқ зарарланиши натижасида барглари тўкилиб, кейинчалик қуриб қолиш ҳолати кузатилади. Ўргимчаккана сабзавот, полиз, картошка экинлари ўсимликларининг ўсув даврининг бошланғич даврида зарарлаганда ҳосилдорлик 50-60 % гача нобуд бўлиши мумкин. Ўргимчакканани эртанги авлодлари сарғиш яшил, кечги авлодлари эса қизғиш, тўқ сариқ тусда бўлади.Ўргимчакканани етук зотини катталиги 0.3-0.6 мм бўлади. Личинкасида 3 жуфт нимфа ва имаголарида 4 жуфт оёқлари мавжуд. Каналарнинг ҳаво хароратига қараб битта авлодининг ривожланиши баҳор ойларида 19 кун, ёз ва кузда 8-12 кунгача давом этади. Бир йилда 18-20 марта насл беради. Урғочи зотлари иссиқхоналар, парникларда ўсимлик қолдиқларида якка-якка ҳолда ёки тўп-тўп бўлиб қишлайди.


Ўргимчаккананинг бодринг ўсимлиги баргини зарарлаши
Кейинги йилларда бодрингда ҳам ўргимчаккананинг келтирадиган зарари сезиларли даражада ошиб бораётганлигини кузатилмоқда. Шунингдек, ўргимчаккана бодрингни кўчатхонадан бошлаб зарарлаши аниқланди.
Ўргимчаккана иссиқхона шароитидаги бодринг ўсимлигида беш-олти марта тўлиқ авлод бериб ривожланади. Кузда экилган бодрингда ўргимчаккананинг биринчи авлодини ривожланиши 10-12 кунни ташкил қилган бўлса, иккинчи авлоди ривожланишига 14-16 кун, учинчи авлод учун 17-18 кун, тўртинчи авлод учун 18-20 кун, бешинчи авлод учун 20-21 кун, ҳамда олтинчи авлод учун 20 кунни ташкил этади. Ўргимчаккананинг иссиқхонада ривожланиши очиқ далага нисбатан фарқ қилади чунки иссиқхонадаги ҳарорат сунъий равишда ўзгартишига ҳамда экиннинг экилиш муддати билан боғлиқдир. Ўргимчаккананинг битта авлодини ўтиши учун 200^0С фойдали ҳарорат йиғиндиси зарур.


Кураш чоралари.
Агротехник кураш:Алмашлаб экиш, қатор ораларига ишлов бериш, кўллатиб суғормаслик.
Биологик кураш: Сабзавотлардаги ўргимчакканага қарши биологик кураш учун олтинкўзни 3-4кунлик тухумини зараркунанда сонига қараб 1:10, 1:5 нисбатларда чиқариш.
Кимиёвий кураш: Ўргимчакканага қарши омайт, 57% к.эм. гектарига 1,0 - 1,5 л (етук зотига, личинкасига); ниссоран, 10% н.кук. гектарига 0,1 кг (тухумига); вертимек, 1,8% эм.к. гектарига 0,3-0,4 ла (етук зотига, личинкасига) ); флумайт, 20% сус.к. гектарига 0,2 л (етук зотига, личинкасига); ортус, 5% сус.к. гектарига 0,75 л (етук зотига, личинкасига) қўлланилади.