Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

ОЛИБ ТАШЛАШ ВА ЙЎЛ ЧЕКЛАШ ҚУРИЛМАЛАРИ КЎРСАТКИЧЛАРИ
59. Олиб ташлаш ва йўл чеклаш қурилмалари кўрсаткичлари қуйидагиларни билдиради:
«Йўл чекланган» - кундузи горизонтал қора чизиқли оқ доира, кечаси – худди шундай қора чизиқли оқ рангли чироқ кўринади (расм 5.5).

Расм 5.5

«Йўлдан чеклаш олинган» - кундузи вертикал қора чизиқли оқ доира ёки тўғри тўртбурчак, кечаси худди шундай қора чизиқли оқ рангли чироқ кўринади (расм 5.6).
Олиб ташлаш қурилмалари (олиб ташлаш бошмоқлари, олиб ташлаш остряклари ёки олиб ташлаш стрелкалари) ни ўрнатиш жойлари бу қурилмалар марказлашувга киритилмаганда ҳамда улар чекловчи ҳолатининг назорати бўлмаган ҳолатларда кўрсаткичлар билан жиҳозланади.

Расм 5.6

Йўл чеклаш кўрсаткичлари берк йўлларнинг тўсиқларида бруснинг ўнг чеккасида ўрнатилади ва уларнинг сигнал кўрсаткичи фақат йўл томон берилади (расм 5.7).

Расм 5.7
Бу кўрсаткичларнинг ёритилиши ёки ёритилмаслиги стансиянинг техникавий-бошқарув акти томонидан белгиланади.
Йўл чеклашнинг сигнал асбоби сифатида стрелка фонарларидан фойдаланишга рухсат этилади.
ГИДРАВЛИК КОЛОНКАЛАР КЎРСАТКИЧЛАРИ
60. Гидравлик колонка кўрсаткичи – фонар – агар колонканинг буралувчи қисми йўлга кўндаланг ўрнатилган бўлса, кечаси ҳар иккала томонга қизил чироқда ёнади; кундузи колонканинг қизил рангга бўялган буралувчи қисмининг ўзи кўринади ва «Тўхта» сигналини билдиради (расм 5.8).

Расм 5.8

Агар колонканинг буралувчи қисми йўл бўйлаб жойлашган бўлса, кечаси ҳар икки томонга фонарнинг тиниқ оқ рангли чироғи кўринади.