Светофорлар қуйидагиларга бўлинади ва таснифланади: кириш – поездга перегондан стансияга киришга рухсат беради ёки тақиқлайди; чиқиш

СИГНАЛ КЎРСАТКИЧЛАРИ ВА БЕЛГИЛАРИ
МАРШРУТ КЎРСАТКИЧЛАРИ
55. Қабул йўлини ёки поезд ёки манёвр таркибининг ҳаракатланиш йўналишини кўрсатиш зарур бўлган ҳолларда, светофорлар мачтасида ёки алоҳида мачтада жойлаштирилувчи оқ рангли чироқли йўналиш кўрсаткичларидан (рақамли, харфли ёки ҳолатини кўрсатувчи) фойдаланилади (расм 5.1, а).

Расм 5.1

Гуруҳли чиқиш ва маршрут светофорларида поезд ҳаракатига рухсат этилган йўл рақамини кўрсатиш учун яшил рангли чироқли маршрут кўрсаткичлари ўрнатилади (расм 5.1, б).
Бу кўрсаткичлардан чиқиш ёки маршрут светофорида оқ рангли чироқ мавжуд бўлганда, манёвр таркибига ҳаракат рухсат этилган йўл рақамини кўрсатиш учун ҳам фойдаланиш мумкин.

СТРЕЛКА КЎРСАТКИЧЛАРИ
56. Якка стрелкаларнинг ёритилувчи стрелка кўрсаткичлари ҳар икки томонга қуйидагиларни кўрсатади:
стрелка тўғри йўл бўйлаб йўналтирилган – кундузи кўрсаткич тор томонининг оқ тўғри тўртбурчаги; кечаси – оқ рангли чироқ (расм 5.2, а);

Расм 5.2, а

стрелка ён йўлга йўналтирилган – кундузи кўрсаткичнинг кенг томони; кечаси – сариқ рангли чироқ (расм 5.2, б).

Расм 5.2, б

57. Кесишувчи стрелкаларнинг ҳолати икки оддий стрелка кўрсаткичлари ёрдамида стрелкалар қуйидагича ўрнатилганини кўрсатади:
тўғри йўл бўйлаб – кундузи ҳар иккала кўрсаткичда кўрсаткичларнинг тор томонининг оқ тўғри тўртбурчаклари; кечаси – оқ рангли чироқлар (расм 5.3, а);
тўғри йўл билан кесишганда – кундузи ҳар иккала кўрсаткичда кўрсаткичларнинг кенг томонлари; кечаси – сариқ рангли чироқлар (расм 5.3, б);

а)	б)
Расм 5.3

тўғри йўлдан ён йўлга – кундузи яқин кўрсаткичда кўрсаткич кенг томони, кечаси – сариқ рангли чироқ кўринади, узоқ кўрсаткичда эса кундузи кўрсаткич тор томонининг оқ тўғри тўртбурчаги, кечаси – оқ рангли чироқ кўринади (расм 5.3, в);
ён йўлдан тўғри йўлга – кундузи яқин кўрсаткичда кўрсаткич тор томонининг оқ тўғри тўртбурчаги, кечаси – оқ рангли чироқ, узоқ кўрсаткичда эса, кундузи кўрсаткичнинг кенг томони, кечаси эса сариқ рангли чироқ кўринади (расм 5.3, г).

в)	г)
Расм 5.3

58. Ёритилмайдиган стрелка кўрсаткичлар қуйидагиларни кўрсатади:
стрелка тўғри йўл бўйлаб йўналтирилган – стрелка шаклидаги кўрсаткич қирраси билан йўл бўйлаб йўналтирилган (расм 5.4, а);
стрелка ён йўлга йўналтирилган – стрелка шаклидаги кўрсаткич ён йўл томон йўналтирилган (расм 5.4, б).

а)	б)
Расм 5.4