|
311
B e s h i n c h i b o b
ARABISTON TUNNELI
Men o‘sha kuniyoq Konsel va Ned Lendga ka
pitan Nemo bilan bo'lgan suhbatimning bevosita
ularni qiziqtiradigan yerlarni aytib berdim.
Men ularga ikki kundan keyin 0 ‘rtayer de-
ngizining suvlarida suzishimizni aytganimda, Kon
sel chapak chalib yubordi, Ned Lend esa yelkalarini
qisdi.
- Suvosti tunnelimi? - xitob qildi u. - Ikki de-
ngizni birlashtiradigan yo‘l? Bu haqda hech kim
hech qachon eshitmagan!
- Do‘stim Ned, - deb javob berdi unga Konsel, -
siz «Nautilus» haqida sira eshitganmidingiz? Yo‘q.
Shunga qaramay, u mavjud ekan. Shuning uchun
bor narsani sira eshitmaganingiz uchun inkor etib,
yelkalaringizni qismang!
- Kim haq bo'lib chiqishini ko‘ramiz, - dedi Ned
Lend boshini chayqab. - Men bu tunnelning mav-
judligiga jilla bo'lmasa 0 ‘rtayer dengiziga tezroq
chiqib olish uchun ham jon deb ishonishga tayyor-
man.
O'sha kecha dengiz sathida suzgan «Nautilus»
shimoliy kenglikning 21-gradus 30-minutida Ara-
biston sohiliga yaqinlashdi. Men Misr, Suriya, Tur-
kiya va Hindiston bilan qizg'in savd'o olib boradigan
muhim savdo markazi liddani ko'rdim. Biz turgan
masofadan ham shahardagi imoratlarni, suv sayoz-
ligi uchun sohilga yaqin kelolmagani sababli uning
qulay joylariga bog'lab qo'yilgan kemalarni juda
aniq ko'rdim.
Botayotgan quyosh nuri shaharning oq binolari
ustida jilolanib, ko'zni qamashtirar edi.
Shaharning bir chekkasida o'troq arablarning
312
taxta va qamishdan qilingan kulbalari joylashgan
edi. Ammo ko'p o'tmay Jidda tun qorong'iligiga
singib, g'oyib bo'ldi va «Nautilus» biroz shu’lalanib
turgan suvga sho'ng'idi.
Ertasi kuni, 10-fevralda, suv sathiga ko'tarilib,
o'zimizdan sal narida juda ko'p kemalarni ko'rdik,
shuning uchun «Nautilus» zudlik bilan yana suvga
sho'ng'idi. Biroq peshinda, odatdagi kuzatuvlar olib
boriladigan paytda, dengiz bo'm -bo'sh edi va biz-
ning kemamiz yana suv sathiga ko'tarildi.
Men Ned Lend va Konsel bilan birga paluba
ga chiqdim. Sharqda, tuman ichida pasttekis sohil
zo'rg'a ko'zga chalinar edi.
Biz qayiqcha do'ngagiga suyanib, undan mun-
dan laqillab turganimizda, Ned Lend to'satdan
dengizdagi allaqanday nuqtani ko'rsatib, mendan
so'radi:
- Siz o'sha yoqda hech nimani ko'rmayapsizmi,
janob professor?
- Yo'q, - javob berdim. - Men uzoqdagi nar-
salarni sizchalik yaxshi ko'rolmasligimni bilasiz-ku
axir!
- Yaxshilab qarang, - deya qistay boshladi
N ed,- huv ana, shtiribort to'g'risida, nahotki, biror-
ta qimirlayotgan narsani ko'rmayotgan bo'lsangiz?
- Ha, to'g'ri, - dedim men diqqat bilan qara-
gach, - dengiz sathida allaqanday uzun qoramtir
narsani ko'ryapman.
- Yana bitta «Nautilus»mikin? - so'radi Konsel.
- Yo'q, - javob berdi kanadalik, - ammo adash-
masam bu allaqanday dengiz maxluqi.
- Qizil dengizda kit bo'ladimi? - so'radi Konsel.
- Ahyon-ahyonda uchrab turadi, - deb javob
berdim men.
Chindan ham uzunchoq qora jism bizdan nari
313
borsa bir milya masofada edi. Uzoqdan u dengiz-
dan chiqib turgan katta qoyaga o'xshardi. Ammo
aslida uning nimaligini aniqlay olganimcha yo'q
edi.
- Yo'q, bu kit emas, - deb ta’kidladi ko'zini
maxluqdan bir sekund ham uzmagan Ned Lend.
- Kitlar eski tanishlarim va men ularning ham
ma qiliqlarini yaxshi bilaman.
- Sabr qilaylik, - taklif kiritdi Konsel. - «Na
utilus» o'sha yoqqa boryapti, bir necha minutdan
so'ng biz uning nimaligini bilib olamiz.
- Ha, ha! U harakat qilyapti... U suvga
sho'ng'iydi! - xitob qildi Ned Lend. - Ming la’nat!
Nima ekan bu? Uning kitlar yoki kashalotlarga
o'xshash ikkiga bo'lingan dumi yo'q, suzgichlari esa
uchi kesilgan g'o'laga o'xshaydi.
- Ammo... - deb so'z boshlagan edim men.
- Qarang, - deya so'zimni bo'ldi kanadalik, - u
ko'kragini yuqoriga qilib yelkasiga ag'darilyapti.
- Ha, bu allaqanday vasvasachi sirena1, - deb
kuldi Konsel.
Konselning so'zlari meni darhol o'zimga keltir-
di. Biz yarim ayol, yarim baliq deb afsona tarqal-
gan sirenalar turkumidan namuna ko'rib turibmiz
deb tushundim.
- Yo'q, - dedim men Konselga, - bu sirena
emas, o'sha turkumdagi boshqa kam uchraydigan
maxluqlardan. Bu - dyugon.
Bu orada Ned Lend maxluqdan ko'z uzmay qarab
turar edi. Uning oshiqqan ko'zlari chaqnab turardi.
U birinchi imkoniyatdayoq dyugonga hujum qilish
uchun o'zini dengizga tashlashga shaylanayotgan-
day bo'lib tuyular edi.
Do'stlaringiz bilan baham: | 
