Sun'iy intellektdagi intellektual agentlarning turlari. Intellektual agentlarning sinflari

Subagentlar.
Intellektual agentlar o’zining vazifasini faol bajarish uchun ko’plab subagentlarni o’z ichiga oluvchi ierarxik tuzilmaga ega bo’ladi. Subagentlar intellektual agentlar tarkibiga kiradi va ular quyi pog’onadagi qayta ishlash va bajarish funksiyalarini amalga oshiradi. Intellektual agentlar va subagentlar birgalikda murakkab masalalarni bajarishda to’liq tizimni tashkil etadi.

Subagentlarning bir nechta tipi mavjud:

1) Vaqtli agentlar-tezkor qaror qabul qilish uchun;
2) Fazoli agentlar-haqiqiy olam bilan o’zaro aloqa qilish uchun;
3) Sensorli agentlar-sensorli signallarni qayta ishlash uchun;
4) Qayta ishlaydigan agentlar - nutqni tanish tipidagi muammolarni yechadi;
5) Qaror qabul qiluvchi agentlar-muammolar bo’yicha qaror qabul qilish uchun;
6) O’rganuvchi agentlar - boshqa intellektual agentlar uchun strukturalar va ma’lumotlar bazasini yaratish uchun;
7) Dunyoviy agentlar - avtonom ravishda harakat qilish maqsadida o’zida barcha qolgan agentlarni birlashtirish uchun.


Bilimlarga asoslangan agentlar.
Bilimlarga asoslangan ixtiyoriy agentning asosiy komponenti uning bilimlar bazasi hisoblanadi. Bilimlar bazasini yangi bilimlar bilan to’ldirib borish va bilimlar bazasidagi mavjud bilimlarni o’zgartirishning ma’lum uslubi (dasturi) mavjud bo’lishi kerak. Bilimlar bazasidagi bilimlar mantiqiy mulohazalar sifatida qaraladi va ular ustida mantiqiy amallarni qo’llab mantiqiy xulosalar hosil qilinadi. Bunday mantiqiy amallarni bajarish uchun maxsus Tell va Ask dasturlaridan foydalaniladi. Bu dasturlar mavjud bilimlarga mantiqiy amallarni qo’llab yangi mantiqiy xulosalarni hosil qiladi. Tell va Ask dasturlaridan foydalanuvchi agent dasturining ishlashi uch qadamdan iborat. Birinchi qadamda - Tell funksiyasi yordamida qabul qilingan ma’lumotlar bilimlar bazasiga joylashtiriladi, ikkinchi qadamda - Ask funksiyasi yordamida qanday harakatni amalga oshirish kerakligi haqida bilimlar bazasiga so’rov yuboriladi. Ushbu so’rovga javob berish jarayonida tashqi olamning joriy holati bo’yicha mukammal fikrlashlar o’kaziladi, mumkin bo’lgan harakatlar ketmaketligi asosida olingan natijalar tahlil qilinadi. Uchinchidan, agent Tell funksiyasi yordamida o’zining tanlagan variantini ro’yxatga oladi va o’z harakatini bajaradi. Tell funksiyasi o’zining navbatdagi amali yordamida action harakatining haqiqiy bajarilganligi haqida bilimlar bazasiga ma’lumot yuboradi.