Statistika” fanidan Oʻquv-uslubiy majmua

Fanning o‘quv rejasidagi boshqa fanlar bilan o‘zaro bog‘liqligi va uslubiy jihatdan uzviy ketma ketligi
“Statistika” fani asosiy ixtisoslik fani hisoblanib, 2-3-semestrlarda o‘tiladi. Dasturni amalga oshirish o‘quv rejasida rejalashtirilgan matematik va tabiiy (oliy matematika, informatika va axborot texnologiyalari, ehtimollar nazariyasi va matematik statistika), umumkasbiy (makroiqtisodiyot, menejment, marketing, iqtisodiy tahlil va audit) va ixtisoslik (moliya statistikasi, xalqaro statistika, milliy hisoblar tizimi) fanlaridan etarli bilim va ko‘nikmalarga ega bo‘lishlik talab etiladi.


Fanni ishlab chiqarishdagi o‘rni
Statistikaning ishlab chiqarishdagi o‘rni iqtisodiyot istiqbolini belgilash asosini yaratish hamda mamlakat iqtisodiy siyosatini xaqqoniy statistik axborotlar bilan ta’minlashdan iborat.
Statistika idoralari tomonidan statistika sohasida yuz berayotgan o‘zgarishlar monitoringini va mamlakat ijtimoiy rivojlanish ko‘rsatkichlari va axborotlari bilan ta’minlashda statistik usullardan foydalanish.


Fanni o‘qitishdagi yangi pedagogik va axborot texnologiyalari
Talabalarning “Statistika” fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar, virtual stendlar va maketlaridan foydalaniladi.


ASOSIY QISM


Fan bo‘yicha ma’ruza mavzulari va ularning mazmuni


1-bo‘lim. Statistika nazariyasi


Statistika fanining predmeti va uslubi
Statistikaning paydo bo‘lish tarixi va rivojlanish bosqichlari. Statistika so‘zi ko‘p qirrali tushuncha sifatida va uni turli mazmunlarda ishlatilishi. Statistika - ilm-fan tarmog‘i, amaliy faoliyat sohasi, raqamlarda ifodalangan ma’lumot (axborot), bilim yo‘nalishi.
Statistika fani predmeti va uning o‘ziga xos xususiyatlari. Statistika fanining nazariy asoslari. Statistik tadqiqot uslubiyati va uning jihatlari. Tasviriy va induktiv statistika, ularning maqsad va vazifalari. Statistika fanining boshqa fanlar bilan o‘zaro bog‘liqligi.
Bozor iqtisodiyoti sharoitida statistikani tutgan o‘rni va ahamiyati.