Statistika” fanidan Oʻquv-uslubiy majmua

1.1.Fanning maqsadi va vazifalari
Fanni o’qitishdan maqsad - talabalarda statistika nazariyasi, metodi va amaliyoti to’g’risida bir tizimga solingan bilim va ko’nikmalarni shakllantirishdan iborat. Fanning vazifalari - statistika predmeti va metodi, uning ahamiyati va roli haqida chuqur bilimga va tasavvurga ega bo’lish; statistikaning nazariy, uslubiy va amaliy masalalarini har taraflama o’rganish; O’zbekistonda davlat statistikasining tashkil etilishi, uning “Davlat statistikasi haqida”gi Konundan kelib chiqadigan vazifalari va huquqlarini bilish; statistik kuzatish mohiyati, turlari, dastur - uslubiy va tashkiliy masalalarini o’rganish; statistik kuzatish ma’lumotlarini svodkalash va guruxlash hamda uning natijalarini statistik jadvallarda ifodalay olish; taqsimot qatorlarini tuzish va tahlil qilish usullarini egallash; statistik ko’rsatkichlar, ularning turlari va shakllari, taqqoslash yo’llari, makro va mikro iqtisodiy ko’rsatkichlar haqida chuqur tasavvurga ega bo’lish; tanlanma kuzatishning mohiyati, nazariy va amaliy masalalari, tanlanmaning reprezentativligini baholash yo’llarini bilish, ilmiy va tajribaviy gipotezalarni statistik tekshirish va echimlarni olish usullarini egallash; bozor hodisalari o’rtasidagi sabab-oqibat bog’lanishlarini ochish uchun korrelyatsion-regression tahlilni qo’llay olish; dinamika qatorlarini tuzish va tahlil qilish usulubiyatini bilish; statistika amaliyotida qo’llaniladigan iqtisodiy indekslarni hisoblash to’g’risida tasavvurga ega bo’lishni ta’minlash, hamda ular asosida xulosalar chiqarish bo’yicha ko’nikmalar hosil qilishdan iborat.
Fan bo‘yicha talabalarning bilimiga, ko‘nikma va malakasiga qo‘yiladigan talablar
“Statistika” o‘quv fanini o‘zlashtirish jarayonida amalga oshiriladigan masalalar doirasida bakalavr:
- statistikaning nazariy va amaliy masalalarini; statistik ko‘rsatkichlarning tabiati, tuzilishi va hisoblash tartibini; statistik kuzatish hujjatlarini tuzish va to‘ldirish yo‘llarini; taqsimot qatorlarini tuzish va uning ko‘rsatkichlarini hisoblashni; tanlanma kuzatish natijalarini baholash va bosh to‘plamga tarqatishni; dinamika qatorlariga xos asriy tendentsiyalarni aniqlash, kon’yunkturaviy va mavsumiy tebranishlarni baholashni; regresion-korrelyatsion tahlil ko‘rsatkichlarini hisoblashni; iqtisodiy indekslarni hisoblash tartibini bilishi kerak.
- statistik masalalarni echish; soddaroq masalalar ustida statistik kuzatishni tashkil etish; statistik jadval va grafiklarni tushunarli va jozibali qilib tuzish; turli statistik adabiyotlardan foydalanib ma’ruzalar tayyorlash; guruhlash turlari, statistik tasniflash va uning o‘ziga xos xususiyatlarini talqin qilish; statistik jadvallar va grafiklar tuzish; MHTning asosiy hisoblamalarini tuzish va ularning ko‘rsatkichlarini aniqlash; statistik masalalarni echish, axborotlarga ishlov berish va saqlashda shaxsiy EHM qo‘llash bo‘yicha ko‘nikmalariga ega bo‘lishi kerak.
- mutlaq va nisbiy ko‘rsatkichlarini bilish; o‘rtacha miqdorlar va variatsiya ko‘rsatkichlarini o‘rganish; tanlanma kuzatish mohiyatini, uni qo‘llash sabablari va afzalliklari aniqlash; ijtimoiy-iqtisodiy hodisalar o‘rtasidagi o‘zaro bog‘lanishlar o‘rganish uslubiyati; dinamika qatorlari va turlarini aniqlash; balans usulinin mohiyati va uni ijtimoiy-iqtisodiy hodisalarni statistik o‘rganish; bozor iqtisodiyoti sharoitida statistikaning asosiy vazifalarini bilish malakalariga ega bo‘lishi kerak.