Statistika” fanidan Oʻquv-uslubiy majmua

Ta’lim yo‘nalishi:	5230100
- Iqtisodiyot (tarmoqlar va sohalar bo‘yicha)

Toshkent – 2017
O`zbekiston Respublikasi Oliy va o`rta maxsus ta’lim vazirligining 201_ yil “___” ___ dagi “___”-sonli buyrug`ining 1-ilovasi bilan fan dasturi ro`yxati tasdiqlangan.
Fan dasturi oliy va o`rta maxsus, kasb-hunar ta’lim yo`nalishlari bo`yicha o`quv-uslubiy birlashmalar faoliyatini muvofiqlashtiruvchi kengashning 201__ yil “__” __ dagi “__”-sonli bayyonomasi bilan ma’qullangan.


Tuzuvchilar:
Ayubjonov A.H. - TDIU “Statistika” kafedrasi mudiri, dotsent, iqtisod fanlari nomzodi.
Mamatqulov B.X.. – TDIU “Statistika” kafedrasi dotsenti, iqtisod fanlari nomzodi.
B.Sh.Akbarova – TDIU “Statistika” kafedrasi kata o`qituvchi


Taqrizchilar:
N.X.Rashitova – TMI “Statistika” kafedrasi mudiri, dotsent, iqtisod fanlari nomzodi.
Fanning o‘quv dasturi Toshkent davlat iqtisodiyot universiteti kengashida ko`rib chiqilgan va tavsiya qilingan. (201__ yil “___” _________dagi “___” -sonli majlis bayoni bilan
KIRISH

Milliy makroiqtisodiy ko’rsatkichlarni xalqaro me’yorlarga moslashtirish, moliyaviy korxona, xalqaro iqtisodiy aloqalarda eksport va import qilinadigan mahsulotlar va xizmatlar to’g’risida ko’proq ma’lumotlarga ega bo’lish maqsadida davlat statistika va hisobot tizimini umumuslubiy asoslarini qayta ko’rib chiqish borasida mamlakatimiz hukumati tomonidan bir qancha qarorlar va qonunlar qabul kilindi. Ularni oliy ta’limning iqtisodiy yo’nalishlari bo’yicha tahsil oluvchi talabalar ongiga singdirish hozirgi kunda eng dolzarb vazifalardan biri hisoblanadi. Bu borada statistika fanining o’rni va ahamiyati ham alohida e’tiborga loyiqdir.

Yuqori malakali mutaxassislar tayyorlashni kengaytirish bilan bir vaqtda oliy ta’lim tizimini tubdan islox qilish bugungi kunning muhim vazifalaridan biri bo’lib qolmoqda. Bu avvalom bor oliy ta’lim yo’nalishlari bo’yicha Davlat ta’lim standartlaridan ko’zlangan fanlarning mazmuni va o’quv dasturini xalqaro andozalarga moslashtirib, yanada takomillashtirishni hozirgi kunning dolzarb vazifasi etib qo’ymoqda. Barcha bozor iqtisodiyoti rivojlangan va taraqqiy eta boshlagan mamlaktlarda, ularning universitetlari va oliy maktablarida yagona statistika kursi o’qitilib kelindi va hozirgi kunda ham o’qitilmokda. Ko’p yillar davomida sinovlardan o’tgan mazkur boy tajribani hisobga olib, universitet va institutlarimizda ham ularning yo’nalishlaridan qat’iy nazar, yagona statistika kursini o’quv jarayonlarida ko’zlash maqsadga muvofiq bo’lar edi. Shu bilan birga oliy ta’limning iqtisodiy yo’nalishlari bo’yicha talabalarda satistik tafakkur bunyod etish sohasida yurtimizda to’plangan tajribalardan voz kechish ham noto’g’ri bo’ladi. Bunda statistika nazariyasi bilan bir qatorda iqtisodiy statistika va statistika soxalariga xos masalalar ham yagona statistika kursida fan nazariyasi va uslubiyati bilan uzviy bog’langan va izchil uyg’unlashgan holda yoritilishi lozim.