Spss дастури асосида маълумотларни қайта ишлашнинг ўзига хос психологик хусусиятлари

Расм 5. Маълумотлар файлини очиш.
Агар SPSS дастурига янги маълумот киритилмоқчи бўлинса «Ввести данные» варианти танлаш орқали маълумотларни киритиш ва таҳрирлаш ойнаси очилади.
Дастур ишга тушган вақтда фойдаланувчига маълумотларни таҳрирлаш («Редактор данных») ойнаси кўриниб туради. Агар бирорта амал бажарилса ѐки маълумотлар устида таҳрирлаш ишлари бажарилса яна бир янги ойна, натижалар ойнаси очилади («окно вывода»). Бу ойнада бажарилган ишларнинг натижалари, жадваллар, диаграммалар акс эттирилади. Ундаги маълумотларни чоп этиш, экспорт қилиш, агар зарурат бўлмаса ўчириб ташлаш мумкин.
Бир ойнадан иккинчиси одатий усуллар билан, бошқа дастурлардагидек ўтиш мумкин.

SPSS дастурининг бош ойнаси.

Юқорида кўрсатганимиздек, дастур ишга туширилганда унинг асосий ойнаси очилади. Бу ойна маълумотларни таҳрирлаш ойнаси ҳам деб юритилади (Расм 6).

Унинг юқори қисмида буйруқлар ва ускуналар панелидан ташкил топган меню қатори жойлашган.
Ускуналар панели асосий меню қаторининг остки қисмида бўлиб, унда турли амалларни бажариш имконини берувчи тугмалар жойлашган. Бу тугмалар кўп учрайдиган амалларни бажариш имконини беради.
Дастурнинг менюси ва унинг таркибига кирувчи бўлимлари ѐрдамида SPSS дастурида кўзда тутилган барча амалларни бажариш мумкин.
Қуйида асосий менюнинг қисқа тавсифи келтирилган. Шуни кўрсатиш лозимки, меню бўлимларининг ушбу версиясидаги русча номланиши SPSS дастурининг бошқа версияларидагидан фарқ қилиши мумкин. Шу сабабли уларнинг инглизча номини қавс ичида кўрсатиб кетамиз.

Расм 6. Маълумотларни таҳрирлаш ойнаси.

«Файл» (File). Файлларни очиш, ўқиш, сақлаш ва SPSS дастуридан чиқиш учун мўлжалланган буйруқларни ўз ичига олган.