Спорт психологияси 1-маъруза спорт психологиясининг

26,27- маъруза
СПОРТ МАШҒУЛОТЛАРИ ПСИХОЛОГИЯСИ
режа
1. Машғулот жараёнининг психологик хусусиятлари
2. Психик зўриқишларнинг ва ўта зўриқишларнинг спорт фаолиятига таъсири
2. Психик зўриқишларнинг ва ўта зўриқишларнинг спорт фаолиятига таъсири
4. Машғулотлар жараёни учун мураббийга тавсиялар.
1. Машғулот жараёнининг психологик хусусиятлари
Умумий хусусиятлар ичида қуйидаги хусусиятларни алоҳида кўрсатиб ўтиш лозим:
1. Спорт машғулотининг асосий вазифаси ўргатиш ва тарбиялашдан иборатдир, бу иш спортчи шахсиятини фуқаро, ўз мамлакатининг ватанпарвар кишиси, ўз миллатининг содиқ вакили сифатида ривожлантиришга йўналтирилгандир.
2. Спорт машғулотларида психик жараёнларни, шахснинг ҳолатлари ва хусусиятларини такомиллаштириш муаммолари ҳал этилади.
3. Спорт машғулотлари тобора ошиб борувчи жисмоний зўриқишларни бошдан кечириш ва уларга мослашиш билан боғлиқдир.
4. Спорт машғулотлари юқори даражадаги психик зўриқиш-
ларни бошдан кечириш ва уларга мослашиш билан боғлиқдир.
5. Спорт машғулотлари спортчи томонидан шу пайтгача ўзи эришган жисмоний ва психик ривожланиш даражасини изчил ошириб борилиши билан боғлиқдир. Бу жараёнда у ўз-ўзини енгиб бориши лозим бўлади, айниқса ўзининг тайёргарлик даражасини ошириш борасида бу талаблар янада яққолроқ кўзга ташланади.
6. Спорт машғулотлари спорт фаолияти олдига қўйган вазифаларга мувофиқ равишда қатъий интизомни ва ҳаёт тартибига риоя этишни талаб қилади.
7. Спорт машғулотларининг самарадорлиги спортчининг машғулотлар жараёнининг турли томонларига муносабати ва қўлланилаётган мотивация тизимларининг мукаммаллигига боғлиқдир.
8. Спорт машғулотлари махсус мулоқот шароитларида кечади, яъни, мураббий билан мулоқотларда. Мураббий олдидаги асосий вазифалардан бири бу спортчида ўз имкониятларини охиригача ишлатиш иштиёқини уйғотишдан иборатдир. Иккинчидан эса спортчилар машғулотлар жараёнида ўз дўстлари билан мулоқотга киришадилар, улар эса баъзан спортчининг рақиби ёки у билан баҳсга шайланган тараф вакили бўлади.
9. Бу жараёнда доимий психик зўриқиш келиб чиқиб, машғулотларнинг самарадорлигининг асосий омили бўлиб хизмат қилади, ва айрим шароитларда психик жиҳатдан ўта зўриқишларга олиб келиши мумкин.