Sport pedagogik maxoratini oshirish

Katta razryadli gimnastikachi qizlar xoreografik tayyorgarligining asosiy vazifalari:

• 
  Xoreografik elementlarni ijro etish sifati va barqarorligini oshirish;
  
• 
  Ifodalilik, musiqiylik, mahoratni takomillashtirish
  

Turli yosh va malakali gimnastikachi qizlar mashg’ulotlarining yillik xoreografik tayyorgarlikning vazifalari davrga qarab o’zgarib boradi (Lisitskaya 1984). Xoreografiya mashg’ulotlarining hissasi tayyorgarlik davrida eng katta bo’ladi. bu davrning asosiy vazifalari yangi elementlarni o’rganish, erkin mashqlarni o’zlashtirish, jismoniy sifatlarni tarbiyalashga yo’naltiriladi. Musobaqalashuv davrida gimnastikachi qizlar o’rganilgan harakatlarni takomillashtirib, ularning toza bajarilishi, ifodali va barqarorligiga erishadilar. Bevosita musobaqalar davrida xoreografik yuklamalar kamaytiriladi. Biroq bu davrda ham dastgoh oldidagi mashqlar, erkin va xodada bajariladigan mashqlar tarkibidagi xoreografik elementlarni takrorlash majburiy bo’lib qolaveradi.