Sport menejmenti va iqtisodiyot

Korporatsiyalarning integratsiya tiplari. Integratsiya jarayonlari orasida
uchta asosiy birlashmalar turlarini ajratib ko‘rsatish mumkin: mulkiy munosabatlar
asosida integratsiya; resurslar va xizmatlar ustidan nazoratni bir erga jamlash
asosida integratsiya; struktura qatnashchilarining ayrim hokimlik vakolatlarini
ko‘ngilli markazlashtirish asosida integratsiya.
Korporativ tuzilmalar tuzishning tashkiliy turlari

Barcha korporativ tuzilmalarni birlashma tarkibiga kiruvchi shaxslar

mustaqillik darajasi bo‘yicha uchta asosiy guruhga ajratish mumkin:

1. Birlashma a’zolari o‘z mustaqilligi va huquqlarini to‘liq hajmda saqlab

qoladi, tuzilmaning o‘zi esa, uning qatnashchilari bir xil huquqlarga ega ekanligi
sababli simmetrik xarakterga ega bo‘ladi. Ko‘rib chiqilgan tuzilmalarning bu
guruhiga assostiastiya (ittifoq, liga, gildiya, palata), kartel, konsorstiumlar kiradi.

2. Qatnashchilar bir - biri bilan o‘z faoliyati to‘liq hajmida aloqada

bo‘lmaydigan va boshqaruv sohasida mustaqillikni saqlab qoladigan, o‘zaro
qisman bog‘liq korxonalar birlashmasi (simmetrik strukturalar). Bu guruhga MSG
va sindikatlar kiradi.

3. Boshqaruv funktsiyalari bitta qatnashchidan boshqa qatnashchiga

beriladigan (va mos ravishda, mustaqillik huquqi yo‘qotiladigan) birlashma.
Qatnashchilarning huquq va majburiyatlari bir xil emasligi tufayli struktura assimmetrik hisoblanadi. Bu guruhga trest, konstern va xoldinglar kiradi.
Korporativ strukturalar tashkiliy turlarining to‘liq doirasi 5.1-jadvalda
keltirilgan.